ଓ୍ବାଶିଂଟନ,୭।୩ : ରୁଷିଆ ଏବଂ ୟୁକ୍ରେନ ଯୁଦ୍ଧ ଯୋଗୁ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ରେକର୍ଡ ସ୍ତରରେ ପହଞ୍ଚିଛି। ୨୦୦୮ ଗତ ୧୪ ବର୍ଷ ପରେ ଏହା ସର୍ବୋଚ୍ଚ ସ୍ତର ଛୁଇଁଛି। ବ୍ରେଣ୍ଟ ଅଶୋଧିତ ତୈଳ ଦର ବ୍ୟାରେଲ ପିଛା ୧୩୯ ଡଲାର ରେକର୍ଡ ସ୍ତରରେ ପହଞ୍ଚିଛି। ୨୦୦୮ରେ ଏହା ବ୍ୟାରେଲ ପିଛା ୧୪୭ ଡଲାର ଥିଲା।
ଜେପି ମୋର୍ଗାନ ପୂର୍ବାନୁମାନ କରିଛି ଯେ ୨୦୨୨ରେ ଅଶୋଧିତ ତୈଳ ଦର ବ୍ୟାରେଲ ପିଛା ୧୮୫ ଡଲାର ଛୁଇଁପାରେ। ଜେପି ମୋର୍ଗାନର ବିଶେଷଜ୍ଞଙ୍କ ଅନୁଯାୟୀ, ଯଦି ରୁଷିଆରୁ ଆସୁଥିବା ତୈଳ ଯୋଗାଣ ପ୍ରଭାବିତ ହୁଏ, ତେବେ ଏହା ଦିନକୁ ୩ ମିଲିୟନ ବ୍ୟାରେଲ ଅର୍ଥାତ୍ ୩୦ ଲକ୍ଷ ବ୍ୟାରେଲ ଅଶୋଧିତ ତୈଳର ଚାହିଦା ଉପରେ ପ୍ରଭାବ ପକାଇବ।
ରୁଷିଆ ବିଶ୍ୱର ବୃହତ୍ତମ ତୈଳ ଉତ୍ପାଦନକାରୀ ଦେଶ ମଧ୍ୟରୁ ଅନ୍ୟତମ। ୟୁରୋପର ମୋଟ ବ୍ୟବହାରର ୩୫ ରୁ ୪୦ ପ୍ରତିଶତ ଏହା ଯୋଗାଇ ଥାଏ। ଭାରତ ମଧ୍ୟ ରୁଷିଆଠାରୁ ଅଶୋଧିତ ତୈଳ କ୍ରୟ କରିଥାଏ।
