ମୁମ୍ବାଇ,୩ ।୧୦: ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନ୍ସିବି) ମୁମ୍ବାଇରୁ ଗୋଆ ଯାଉଥିବା ଏକ ଜାହାଜ ଉପରେ ଚଢାଉ କରିଥିଲା । ଶନିବାର ବିଳମ୍ବିତ ରାତିରେ ସେଥିରେ ଚାଲିଥିବା ହାଇ ପ୍ରୋଫାଇଲ ଡ୍ରଗ୍ସ ପାର୍ଟି ଉପରେ ଏନ୍ସିବି ଚଢାଉ କରି ପ୍ରାୟ ୧୦ ଜଣଙ୍କୁ ଗିରଫ କରିଥିବା ବେଳେ ଏଥିରେ ଥିବା ଜଣେ ବଡ କଳାକାରଙ୍କ ପୁଅ ବି ବାଦ ଯାଇ ନ ଥିଲେ । ଏବେ ଏନ୍ସିବିର ପଚରା ଉଚରା ପରେ ଗିରଫ ଅଭିନେତାଙ୍କ ପୁଅ କହିଛନ୍ତି ତାଙ୍କୁ ସେଠାକୁ ଭିଆଇପି ଗେଷ୍ଟ ଭାବେ ନିମନ୍ତ୍ରଣ କରାଯାଇଥିଲା । ଏନ୍ସିବିର ସୂତ୍ରରୁ ମିଳିଥିବା ସୂଚନା ଅନୁଯାୟୀ ଅଭିନେତାଙ୍କ ପୁଅଙ୍କଠାରୁ ସିପ୍ରେ ଆସିବା ଲାଗି କୌଣସି ଫିଜ୍ ନିଆଯାଇ ନ ଥିଲା, ବରଂ ତାଙ୍କ ନାଁରେ ଅନ୍ୟମାନଙ୍କୁ ସେଠାକୁ ଡକାଯାଇଥିଲା । କୁହାଯାଉଛି କି ଏହି ପାର୍ଟିରେ ଯେଉଁମାନେ ଥିଲେ ସେମାନଙ୍କୁ ପେପର ରୋଲ୍ ଦିଆଯାଇଥିଲା । ଏନ୍ସିବିର ଚଢାଉ ବେଳେ ଅଧିକାଂଶ ରୁମରୁ ଏହି ପେପର ରୋଲ ମିଳିଥିବା ଜଣାପଡିଛି । ଏହାସହ ବହୁ ପରିମାଣର ଡ୍ରଗ୍ସ ବି ଜବତ କରାଯାଇଛି ।