ଜୋହାନ୍ସବର୍ଗ,୨୫।୫(ପି.ଟି.): କ୍ରିକେଟ ସାଉଥ୍ ଆଫ୍ରିକା (ସିଏସ୍ଏ) ପ୍ଲେୟର ଅଫ୍ ଦି ଇୟର ପୁରସ୍କାର ଦୌଡ଼ରେ ସାମିଲ ହୋଇଛନ୍ତି ଦ୍ରୁତ ବୋଲର ଏନରିଚ୍ ନର୍ଜେ ଓ ବ୍ୟାଟ୍ସମ୍ୟାନ ଏଡେନ ମାରାକ୍ରାମ। ପୁରୁସ୍କାର ପାଇଁ ଏହି ଦୁଇ ଖେଳାଳିଙ୍କ ନାମ ସୁପାରିସ କରାଯାଇଛି। ଏହି ହୁହିଁଙ୍କୁ ବାଦ ଦେଲେ ଦକ୍ଷିଣ ଆଫ୍ରିକା ସୀମିତ ଓଭର ଅଧିନାୟକ ଟେମ୍ବା ବଭୁମା ଓ ଟପ୍- ଅର୍ଡର ବ୍ୟାଟ୍ସମ୍ୟାନ ରାସି ଭାନ ଡେର ଡୁସେନ ପୁରୁଷ ବିଭାଗ ପ୍ଲେୟାର ଅଫ୍ ଦି ଇୟର ବର୍ଗ ପୁରସ୍କାର ପାଇଁ ସୁପାରିସ କରାଯାଇଛି।
ସେହିପରି ଟେଷ୍ଟ ପ୍ଲେୟର ଅଫ୍ ଦି ଇୟର ପୁରସ୍କାର ଦୌଡ଼ରେ ସାମିଲ ହୋଇଛନ୍ତି ମାରାକ୍ରାମ, ନର୍ଜେ ଓ ବଭୁମା। ଦିନିକିଆ କ୍ରିକେଟର ଅଫ୍ ଇୟର ପୁରସ୍କାର ଦୌଡ଼ରେ ଅଭିଜ୍ଞ ହାର୍ଡ ହିଟିଂ ବ୍ୟାଟ୍ସମ୍ୟାନ ଡେଭିଡ ମିଲର, ଅଲରାଉଣ୍ଡର ଆଣ୍ଡିଲ ଫେଲୁକ୍ୱାଓ ଓ ଭାନ ଡେର ଡୁସେନ ସାମିଲ ହୋଇଛନ୍ତି। ସେହିପରି ଟି୨୦ କ୍ରିକେଟର ଅଫ୍ ଦି ଇୟର ପୁରସ୍କାର ଦୌଡ଼ରେ ଜାନେମନ ମଲାନ, ମାରାକ୍ରାମ, ସ୍ପିନର ତାବ୍ରେଜ ଶାମ୍ସି ଓ ଭାନ ଡେର ଡୁସେନ ସାମିଲ ହୋଇଛନ୍ତି।
ଅପରପକ୍ଷରେ ଓମ୍ୟାନ କ୍ରିକେଟର ଅଫ୍ ଦି ଇୟର ପୁରସ୍କାର ଦୌଡ଼ରେ ଅଲରାଉଣ୍ଡର ଶବନିମ ଇସ୍ମାଇଲ ସବୁଠାରୁ ଆଗରେ ରହିଛନ୍ତି। ଏହି ପୁରସ୍କାର ପାଇଁ ସୁପାରିସ ତାଲିକାରେ ରହିଛନ୍ତି ବ୍ୟାଟର ଲିଜେଲ ଲି, ଲେଗ୍ସ୍ପିନ ଅଲରାଉଣ୍ଡର ସୁନ ଲୁସ ଓ ଓପନର ଲୌରା ଉଲଭାରଡଟଙ୍କ ଭଳି ମହିଳା କ୍ରିକେଟର।
ମହିଳା ଟି୨୦ କ୍ରିକେଟର ଅଫ୍ ଦି ଇୟର ପୁରସ୍କାର ପାଇଁ ଆନେକ ବୋସ୍କ, ତାଜମିନ ବ୍ରିଟ୍ସ, ଶବନିମ ଇସ୍ମାଇଲ ଓ ସୁନ ଲୁସଙ୍କ ନାମ ସୁପାରିସ କରାଯାଇଛି। ମହିଳା ଦିନିକିଆ ପୁରସ୍କାର ଦୌକ୍ଷରେ ସବନିମ ଇସ୍ମାଇଲ, ମାରିଜନେ କ୍ୟାପ୍ପ, ଲିଜେଲେ ଲି ଓ ଲୌରା ଉଲଭାରଡଟ୍। ସେହିପରି ପୂର୍ବତନ କ୍ରିକେଟର ମଖୟା ଏନ୍ଟିନିଙ୍କ ନାମରେ ମଧ୍ୟ ଏକ ପୁରସ୍କାର ପ୍ରଦାନ କରିବାକୁ ସିଏସ୍ଏ ଘୋଷଣା କରିଛି। ଏହାର ନାମ ରଖାଯାଇଛି ‘ମଖୟା ଏନ୍ଟିନି ପାଓ୍ବାର ଅଫ୍ କ୍ରିକେଟ ଆଓ୍ବାର୍ଡ’।
ବିଭିନ୍ନ ପୁରସ୍କାର ପାଇଁ ସୁପାରିଶ କରାଯାଇଥିବା କ୍ରିକେଟରଙ୍କୁ ସିଏସ୍ଏ କାର୍ଯ୍ୟନିର୍ବାହୀ ଫୋଲେସି ମୋସେକି ଅଭିନନ୍ଦନ ଜଣାଇଛନ୍ତି। ମେ ୩୧ ତାରିଖରେ ବିଜେତା ଖେଳାଳିଙ୍କ ନାମ ଘୋଷଣା କରାଯିବ। କୋଭିଡ୍-୧୯ ପାଇଁ ଏବର୍ଷ ଏକାଧିକ ଚ୍ୟାଲେଞ୍ଜର ସମ୍ମୁଖୀନ ହେବାକୁ ପଡିଛି। ତେବେ ଏହା ସତ୍ତ୍ୱେ କ୍ରିକେଟ ଖେଳ ସଫଳତାର ସହ ଆୟୋଜନ ହୋଇଛି। ଏଥିପାଇଁ ଆମର ମେଡିକାଲ ଟିମ୍କୁ କୃତଜ୍ଞତା ଜଣାଉଛୁ ବୋଲି ମୋସେକି କହିଛନ୍ତି।