ନୂଆଦିଲ୍ଲୀ,୨୯।୫: ଲୋକ ସଭା ନିର୍ବାଚନ ୨୦୨୪କୁ ନେଇ ସେଣ୍ଟର ଫର ଷ୍ଟଡି ଅଫ ଡେଭଲପିଙ୍ଗ୍ ସୋସାଇଟି (CSDS) ଲୋକନୀତିର ସହ-ନିର୍ଦ୍ଦେଶକ ପ୍ରଫେସର ସଞ୍ଜୟ କୁମାର ଏକ ଆଶ୍ଚର୍ଯ୍ୟଜନକ ଭବିଷ୍ୟବାଣୀ କରିଛନ୍ତି। ସେ କହିଛନ୍ତି ଯେ ଗତ ସାଧାରଣ ନିର୍ବଚନ ତୁଳନାରେ ୬ଟି ରାଜ୍ୟ ତଥା ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ଭାରତୀୟ ଜନତା ପାର୍ଟି (ଭାଜପା) ର ପ୍ରଦର୍ଶନ ବୃଦ୍ଧି ହେବାର କୌଣସି ପରିସର ନାହିଁ। ଏହି ରାଜ୍ୟଗୁଡିକରେ ଦଳ କ୍ଷତି ସହିପାରେ। ତେବେ ଏହି କ୍ଷତିପୂରଣ ଦକ୍ଷିଣ ଏବଂ ପୂର୍ବ ଭାରତର କେତେକ ରାଜ୍ୟରୁ ଆସିପାରେ।
ନିର୍ବାଚନ ବିଶ୍ଳେଷକଙ୍କ କହିବାନୁସାରେ, ଲୋକ ସଭା ନିର୍ବାଚନ ୨୦୨୪ର ପ୍ରଥମ ଏବଂ ଦ୍ୱିତୀୟ ପର୍ଯ୍ୟାୟରେ ଭୋଟିଂ ସମୟରେ ଭାଜପା ପାଇଁ ଆଶା ଅଧିକ ଥିଲା। ବାର୍ତ୍ତାଳାପ ସମୟରେ ପ୍ରଫେସର ସଞ୍ଜୟ କୁମାର କହିଛନ୍ତି , ନିର୍ବାଚନର ଚତୁର୍ଥ ପର୍ଯ୍ୟାୟରେ ପହଞ୍ଚିବା ପରେ ଏହା ଭାଜପା ପାଇଁ କଠୋର ହୋଇଛି।
ନିର୍ବାଚନ ବିଶ୍ଳେଷକମାନେ ଆଶା କରୁଛନ୍ତି ଯେ, ଓଡ଼ିଶା, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ, ତେଲଙ୍ଗାନା, ତାମିଲନାଡୁ ଏବଂ କେରଳରେ ଭାଜପା (୨୦୧୯ ତୁଳନାରେ) ଭଲ କରିବ। ସଞ୍ଜୟ କୁମାରଙ୍କ ଅନୁଯାୟୀ ରାଜସ୍ଥାନ, ଗୁଜରାଟ, ହିମାଚଳ ପ୍ରଦେଶ, ଦିଲ୍ଲୀ, ଉତ୍ତରପ୍ରଦେଶ, ମଧ୍ୟପ୍ରଦେଶ ଏବଂ ଛତିଶଗଡରେ ବିଜେପି କ୍ଷତି ସହିପାରେ।