ମୁମ୍ବାଇ,୮।୫: ସ୍ଥାନୀୟ ଓ୍ବାଙ୍ଖଡେ ଷ୍ଟାଡିୟମରେ ରବିବାର ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍)ର ୫୫ତମ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଅଧିନାୟକ ରିଷଭ ପନ୍ତ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ। ଆମନ୍ତ୍ରଣ ପାଇ ଚେନ୍ନାଇ ସୁପର କିଙ୍ଗ୍ସ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୬ ଉଇକେଟ ହରାଇ ୨୦୮ ରନ୍ କରିଛି। ଫଳରେ ଦିଲ୍ଲୀ ଆଗରେ ୨୦୯ ରନ୍ର ବିଜୟ ଟାର୍ଗେଟ୍ ରଖିତ୍ଛି ଚେନ୍ନାଇ।
ଚେନ୍ନାଇ ସୁପର କିଙ୍ଗ୍ସର ଦୁଇ ଓପନିଂ ବ୍ୟାଟର ଡେଭନ କନୱେ ଏବଂ ରୁତୁରାଜ ଗାଏଓ୍ବାଡ ଦଳକୁ ଭଲ ଷ୍ଟାଟ ଦେଇଥିଲେ। ଦଳ ପାଇଁ ଦୁହେଁ ୧୧ ଓଭର ପର୍ଯ୍ୟନ୍ତ ଖେଳି ୧୧୦ ରନ୍ ଯୋଡି ଥିଲେ। ରୁତୁରାଜ ୩୩ ବଲ୍ରେ ୪୧ ରନ୍( ୪ ଚଉକା ଏବଂ ୧ ଛକା) କରି ଅନ୍ରିଚ ନର୍ଟେଜେଙ୍କ ବଲରେ ପ୍ରଥମ ଉଉକେଟ ଭାବେ ଆଉଟ୍ ହୋଇଥିଲେ। ପରବର୍ତ୍ତୀ ସମୟରେ ଶିବମ୍ ଦୁବେ ଏବଂ ଡେଭନ୍ କନୱେ ଧର୍ଯ୍ୟର ସହ ବ୍ୟାଟିଂ କରି ଦଳକୁ ଆଗକୁ ନେଇଥିଲେ। ଡେଭନ କନୱେଙ୍କ ଅର୍ଦ୍ଧଶତକ ୪୯ ବଲରେ ୮୭ ରନ୍ (୭ ଚଉକା ଏବଂ ୫ ଛକା) ଏବଂ ଶିବମ୍ ୧୯ବଳରେ ୩୨ରନ୍(୨ଚଉକା ଏବଂ ୨ ଛକା)ର ଗୁରୁତ୍ୱପୂର୍ଣ୍ଣ ଇନିଂସ ଖେଳି ଦଳକୁ ମଜଭୂତ ସ୍ଥିତିରେ ପହଞ୍ଚାଇ ଥିଲେ। ସେହିପରି ଅମ୍ବାତି ରାୟୁଡୁ ୫ ରନ୍ କରିଥିବା ବେଳେ ଅଧିନାୟକ ମହେନ୍ଦ୍ର ସିଂ ଧୋନି ୨୧ ରନ୍ (୧ ଚଉକା ଏବଂ ୨ ଛକା ) ଏବଂ ମୋଏନ୍ ଅଲ୍ଲୀ ୯ ରନ୍ କରିଥିଲେ। ଫଳରେ ଚେନ୍ନାଇ ୨୦୮ ରନ୍ କରିବାରେ ସକ୍ଷମ ହୋଇଥିଲା।