ଆଇପିଏଲ ୨୦୨୦ରେ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗସ ଖରାପ ପ୍ରଦର୍ଶନ କରିଛି। ଆଇପିଏଲ୍ ଇତିହାସରେ ପ୍ରଥମ ଥର ପାଇଁ ଦଳ ପ୍ଲେ ଅଫ ରେସ୍ରୁ ବାଦ୍ ପଡିଛି। ୟୁଏଇରେ ଚାଲିଥିବା ଆଇପିଏଲର ୧୩ ତମ ସିଜିନରୁ ଟୁର୍ନାମେଣ୍ଟ ଇତିହାସର ଦ୍ୱିତୀୟ ସଫଳ ଦଳ ସିଏସ୍କେ ବାହାରି ଯାଇଛି। ଏହାପରେ ଦଳର ଭବିଷ୍ୟତ ଏବଂ ବିଶେଷକରି ଧୋନୀଙ୍କ ଉପରେ ପ୍ରଶ୍ନ ଉଠିଛି। ଟୁର୍ନାମେଣ୍ଟର ପରବର୍ତ୍ତୀ ସିଜନରେ ସିଏସ୍କେ ଏକ ନୂଆ ଭାବରେ ନଜର ଆସିବ ବୋଲି ବିଶ୍ୱାସ କରାଯାଇଥିଲା। ଅଧିନାୟକଙ୍କ ସମେତ ଅନେକ ଖେଳାଳି ନିଶ୍ଚିତ ଭାବରେ ପରିବର୍ତ୍ତନ ହେବେ ବୋଲି ଆଲୋଚନା କରାଯାଉଛି। ଦଳର ଭବିଷ୍ୟତ ଉପରେ ସିଏସକେ ସିଇଓ କାଶୀ ବିଶ୍ୱନାଥନ ଏକ ବଡ଼ ବିବୃତ୍ତି ଦେଇଛନ୍ତି। ସେ ପରବର୍ତ୍ତୀ ସିଜିନର ଅଧିନାୟକଙ୍କ ନାମ ଘୋଷଣା କରିଛନ୍ତି। ବିଶ୍ୱନାଥନ କହିଛନ୍ତି ଯେ ତାଙ୍କର ସମ୍ପୂର୍ଣ୍ଣ ବିଶ୍ୱାସ ଅଛି ଯେ ଧୋନୀ ଆଇପିଏଲ ୨୦୨୧ରେ ସିଏସ୍କେର ନେତୃତ୍ୱ ନେବେ। ଆଇପିଏଲରେ ସେ ଆମ ପାଇଁ ତିନୋଟି ଟାଇଟଲ ଜିତିଛନ୍ତି। ପ୍ରଥମଥା ପାଇଁ ଆମେ ପ୍ଲେ ଅଫ ପାଇଁ ଯୋଗ୍ୟତା ଅର୍ଜନ କରିପାରିଲୁ ନାହିଁ। ତେଣୁ ଏହାର ଅର୍ଥ ନୁହେଁ ଆମେ ଦଳ ପରିବର୍ତ୍ତନ କରିଦେବୁ। ଟୁର୍ନାମେଣ୍ଟରୁ ସୁରେଶ ରାଇନା ଏବଂ ହରଭଜନ ସିଂଙ୍କ ଓହରିଯିବା ଯୋଗୁ ଦଳର ସନ୍ତୁଳନ ଖରାପ ହୋଇଯାଇଛି ବୋଲି ସେ କହିଛନ୍ତି।