ଚେନ୍ନାଇ,୬।୪: ଚେନ୍ନାଇ ସୁପର କିଙ୍ଗ୍ସ (ସିଏସକେ) ଏବଂ ଦିଲ୍ଲୀ କ୍ୟାପିଟାଲ୍ସ (ଡିସି) ମଧ୍ୟରେ ଶନିବାର ଖେଳାଯାଇଥିବା ଆଇପିଏଲ ୨୦୨୫ ମ୍ୟାଚ ପରେ ଏମଏସ ଧୋନୀଙ୍କ ଅବସର ନେଇ ଗୁଜବ ଜୋର ଧରିଛିା। ଏହି ମ୍ୟାଚରେ ସିଏସକେ ୨୫ ରନରେ ହାରି ଯାଇଛି ଏବଂ ଧୋନୀ ୨୬ ବଲରେ ୩୦ ରନ କରି ଅପରାଜିତ ରହିଥିଲେ। ମ୍ୟାଚ ସମୟରେ ଧୋନୀଙ୍କ ମାଆବାପା ପନ ସିଂହ ଏବଂ ଦେବକୀ ଦେବୀ ଚେପକୋ ଷ୍ଟାଡିୟମରେ ଉପସ୍ଥିତ ଥିଲେ, ଯାହା ପ୍ରଥମ ଥର ପାଇଁ ଦେଖାଯାଇଥିଲା। ଯାହାକୁ ନେଇ ଧୋନୀ ଏହି ମ୍ୟାଚ ପରେ ଅବସର ନେଇପାରନ୍ତି ବୋଲି ଅନୁମାନ କରାଯାଉଥିଲା।
କିନ୍ତୁ ମ୍ୟାଚ ପରେ ସାମ୍ବାଦିକ ସମ୍ମିଳନୀରେ ସିଏସକେ କୋଚ ଷ୍ଟିଫେନ ଫ୍ଲେମିଂ ଏହି ଗୁଜବକୁ ଖଣ୍ଡନ କରିଛନ୍ତି। ସେ କହିଛନ୍ତି, “ନା, ତାଙ୍କ ଅବସର ନେବାକୁ ଅଟକାଇବା ମୋର କାମ ନୁହେଁ। ମୋତେ କିଛି ଜଣା ନାହିଁ। ମୁଁ ତାଙ୍କ ସହ କାମ କରି ଖୁସି। ଫ୍ଲେମିଂଙ୍କ ଏହି ମନ୍ତବ୍ୟ ସ୍ପଷ୍ଟ କରୁଛି ଯେ ଧୋନୀ ଏବେ ଅବସର ନେବାର ଯୋଜନାରେ ନାହାନ୍ତି।
