ମୁମ୍ବାଇ,୨୨।୪: ମୁମ୍ବାଇ,୨୨।୪: ଚେନ୍ନାଇ ସୁପର କିଙ୍ଗ୍ସ (ସିଏସକେ) ରୋମାଞ୍ଚକର ଆଇପିଏଲ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ (ଏମ୍ଆଇ)କୁ ୩ ଉଇକେଟରେ ପରାସ୍ତ କରିଛି। ଏହି ମ୍ୟାଚ୍ରେ ହିରୋ ଥିଲେ ମହେନ୍ଦ୍ର ସିଂ ଧୋନୀ। ସେ ମାତ୍ର ୧୩ଟି ବଲ୍ରୁ ୨୮ ରନ୍ର ପାଳି ଖେଳି ଦଳର ବିଜୟ ପ୍ରଦାନ କରିଥିଲେ। ସେ ମ୍ୟାଚର ଶେଷ ବଲରେ ଚୌକା ମାରି ଦଳକୁ ବିଜୟ ପ୍ରଦାନ କରିଥିଲେ। ଏହା ପରେ ଚେନ୍ନାଇ ଅଧିନାୟକ ରବିନ୍ଦ୍ର ଜାଡେଜା ଧୋନୀଙ୍କୁ ଭିନ୍ନ ଢଙ୍ଗରେ ଅଭିବାଦନ ଜଣାଇଥିଲେ। ଏହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।
ମ୍ୟାଚ ଶେଷ ହେବା ପରେ ଉଭୟ ଦଳର ଖେଳାଳିମାନେ ହାତ ମିଳାଉଥିଲେ ଏବଂ ସମସ୍ତେ ଧୋନୀଙ୍କ ଇନିଂସକୁ ପ୍ରଶଂସା କରୁଥିଲେ।ଏହି ସମୟରେ ଜାଡେଜା ମଧ୍ୟ ଧୋନୀଙ୍କ ସାମ୍ନାକୁ ଆସିଥିଲେ। ସେ ଧୋନୀ ଆଗରେ ମୁଣ୍ଡନୁଆଁଇ ଧୋନୀଙ୍କୁ ଅଭିବାଦନ ଜଣାଇଥିଲେ ଏବଂ ପରେ ଉଭୟ ଖେଳାଳି ଆଲିଙ୍ଗନ କଲେ।ସୁରେଶ ରାଇନା ଠାରୁ ଆରମ୍ଭ କରି ହରଭଜନ ସିଂ ଏବଂ ଜୋଫ୍ରା ଆର୍ଚର ପର୍ଯ୍ୟନ୍ତ ଧୋନୀଙ୍କ ଇନିଂସକୁ ସାରା ବିଶ୍ୱରୁ କ୍ରିକେଟରମାନେ ପ୍ରଶଂସା କରିଛନ୍ତି।
ଏହି ମ୍ୟାଚ୍ରେ ଏମଏସ ଧୋନୀ ୨୦ତମ ଓଭରରେ ସର୍ବାଧିକ ଛକା ବିଶିଷ୍ଟ ଖେଳାଳି ଏବଂ ସର୍ବାଧିକ ରନ କରିଛନ୍ତି। ମୁମ୍ବାଇ ବିପକ୍ଷରେ ମଧ୍ୟ ଶେଷ ଓଭରରେ ସେ ୪ଟି ବଲରେ ୨ ଚୌକା ଓ ଗୋଟିଏ ଛକା ସହାୟତାରେ ୧୬ ରନ ସ୍କୋର କରିଥିଲେ। ଆଇପିଏଲ ଇତିହାସରେ ସେ ୨୪୪ର ଷ୍ଟ୍ରାଇକ ହାରରେ ୨୦ତମ ଓଭରରେ ୬୩୭ ରନ ସଂଗ୍ରହ କରିଛନ୍ତି। ଏହି ସମୟ ମଧ୍ୟରେ ୫୧ଟି ଛକା ମାରିଛନ୍ତି।