ମୁମ୍ବାଇ,୮।୪ : ଆଇପିଏଲ ସିରିଜ ୧୬ର ୧୨ ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ(ସିଏସକେ) ମୁମ୍ବାଇ ଇଣ୍ଡିଆନ୍ସ(ଏମଆଇ)କୁ ୭ ଓ୍ବିକେଟରେ ପରାଜିତ କରିଛି । ଧାର୍ଯ୍ୟ ୧୫୮ ରନ ଲକ୍ଷ୍ୟର ପିଛା କରି ସିଏସକେ ୧୮.୧ ଓଭରରେ ୩ ୱିକେଟ ହରାଇ ୧୫୯ ସଂଗ୍ରହ କରିଥିଲା । ସିଏସକେ ପକ୍ଷରୁ ଋତୁରାଜ ଗାଏକ୍ୱାଡେ ୪୦ ରନ କରିଥିବାବେଳେ ଆଜିଙ୍କ୍ୟ ରାହାଣେ ୬୧, ଶିବମ ଦୁବେ ୨୮, ଅମ୍ବାତି ରାୟଡୁ ୨୦ ରନ କରିଥିଲେ ।
ମୁମ୍ବାଇର ଓ୍ବାଙ୍ଖଡେ କ୍ରିକେଟ ଷ୍ଟାଡିୟମରେ ଖେଳାଯାଇଥିବା ମ୍ୟାଚରେ ସିଏସକେ ଟସଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଅଧିନାୟକ ଏମଏସ ଧୋନିଙ୍କ ନେୃତ୍ୱରେ ଟିମ୍ ବୋଲିଂ ଆରମ୍ଭ କରିଥିବାବେଳେ ଅଧିନାୟକ ରୋହିତ ଶର୍ମାଙ୍କ ନେତୃତ୍ୱରେ ଏମଆଇ ଦଳ ବ୍ୟାଟିଂ ଆରମ୍ଭ କରିଥିଲା। ଧାର୍ଯ୍ୟ ୨୦ ଓଭରରେ ଏମଆଇ ୮ ଓ୍ବିକେଟରେ ୧୫୭ ରନ କରିଥିଲା। ଫଳରେ ସିଏସକେ ପାଇଁ ବିଜୟ ଲକ୍ଷ୍ୟ ୧୫୮ ରନ ରହିଥିଲା।
ଏମଆଇ ପକ୍ଷରୁ ରୋହିତ ଶର୍ମା ୨୧ ରନ କରିଥିବାବେଳେ ଇଶାନ କିଶନ ୩୨, କ୍ୟାମେରନ ଗ୍ରୀନ ୧୨,ତିଲକ ବର୍ମା ୨୨, ଟିମ ଡେଭିଡ ୩୧, ହ୍ରିତିକ ଶୋକେନ ୧୮ ରନ କରିଥିଲେ।