ନୂଆଦିଲ୍ଲୀ,୮।୨: କମନ୍ ୟୁନିଭର୍ସିଟି ଏଣ୍ଟ୍ରାନ୍ସ ଟେଷ୍ଟ-ପିଜି ପାଇଁ ପଞ୍ଜୀକରଣ କରିବାର ଶେଷ ତାରିଖ ଫେବୃଆରୀ ୧୦ ପର୍ଯ୍ୟନ୍ତ ବୃଦ୍ଧି କରାଯାଇଛି। କେନ୍ଦ୍ରୀୟ ବିଶ୍ୱବିଦ୍ୟାଳୟ କିମ୍ବା ଅନ୍ୟାନ୍ୟ ଅଂଶଗ୍ରହଣକାରୀ ଅନୁଷ୍ଠାନରୁ ମାଷ୍ଟର୍ସ କରିବାକୁ ଚାହୁଁଥିବା ଛାତ୍ରମାନେ ଏହା ପାଇଁ ଆବେଦନ କରିପାରିବେ। ଆବେଦନ କରିବାକୁ ଚାହୁଁଥିବା ପ୍ରାର୍ଥୀମାନେ ଅଫିସିଆଲ ୱେବସାଇଟ pgcuet.samarth.ac.in ଯାଇ ଫର୍ମଫିଲପ୍ କରିପାରିବେ। ସୂଚନାଯୋଗ୍ୟ, କମନ୍ ୟୁନିଭର୍ସିଟି ଏଣ୍ଟ୍ରାନ୍ସ ଟେଷ୍ଟ ପିଜି ୨୦୨୪ ଫି’ ଦେବାର ଶେଷ ତାରିଖ ହେଉଛି ୧୧ ଫେବୃଆରୀ ଏବଂ ଆବେଦନ ଫର୍ମ ୧୪ ଫେବୃଆରୀରେ ବନ୍ଦ ହେବ ।
ମାର୍ଚ୍ଚ ୧୧ରୁ ୨୮ ପର୍ଯ୍ୟନ୍ତ କମ୍ପ୍ୟୁଟର ଆଧାରିତ ପରୀକ୍ଷା (ସିବିଟି) ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ମାର୍ଚ୍ଚ ୪ରେ ପରୀକ୍ଷା ସିଟି ସ୍ଲିପ୍ସ ଏବଂ ମାର୍ଚ୍ଚ ୭ରେ ଆଡମିଟ କାର୍ଡ ରିଲିଜ ହେବାର ଯୋଜନା ରହିଛି।
କମନ୍ ୟୁନିଭର୍ସିଟି ଏଣ୍ଟ୍ରାନ୍ସ ଟେଷ୍ଟ-ପିଜି ପ୍ରବେଶିକା ପରୀକ୍ଷାର ଅବଧି ୨ ଘଣ୍ଟା ରହିବ। ପରେ ସରକାରୀ ୱେବସାଇଟରେ ପରୀକ୍ଷା ସୂଚୀ ଘୋଷଣା କରାଯିବ। କେନ୍ଦ୍ରୀୟ ଏବଂ ଅନ୍ୟାନ୍ୟ ଅଂଶଗ୍ରହଣକାରୀ ବିଶ୍ୱବିଦ୍ୟାଳୟ / ଅନୁଷ୍ଠାନ / ସଂଗଠନ / ସ୍ବୟଂଶାସିତ ମହାବିଦ୍ୟାଳୟରେ ସ୍ନାତକୋତ୍ତର ପ୍ରୋଗ୍ରାମରେ ଆଡମିଶନ ଚାହୁଁଥିବା ପ୍ରାର୍ଥୀଙ୍କ ପାଇଁ ଏହି ପରୀକ୍ଷା ହେବ।