ରାୟଗଡ଼ା,୩୧ା୭(ଭାଗ୍ୟଶ୍ରୀ ମିଶ୍ର): ରାୟଗଡ଼ା ଜିଲା କଲ୍ୟାଣସିଂପୁରଠାରେ ସୋମବାର ନିର୍ମାଣାଧୀନ କଲଭର୍ଟ ଭୁଶଡ଼ି ୫ ଜଣଙ୍କର ମୃତ୍ୟୁ ହୋଇଥିବା ବେଳେ ଏଥିମଧ୍ୟରେ ୪ ଜଣ ଶିଶୁ ରହିଛନ୍ତି। କଲ୍ୟାଣସିଂପୁର ଉପର ସଜା ଗାଁ ନିକଟରେ ଏହି ଅଘଟଣ ହୋଇଛି l ନଦୀରେ ଗାଧୋଇବା ସମୟରେ ନିର୍ମାଣାଧୀନ ବ୍ରିଜ ଭୁଶୁଡ଼ି ପଡ଼ିଥିଲା। ଘଟଣାସ୍ଥଳରେ ବିଧାୟକ ମକରନ୍ଦ ମୁଦୁଲି, ଆଇନ ମନ୍ତ୍ରୀ ଜଗନ୍ନାଥ ଶାରକା, ଜିଲାପାଳ ସଧା ଦେବ ସିଂଙ୍କ ସମେତ ଅନ୍ୟ ପଦାଧିକାରୀମାନେ ଉପସ୍ଥିତ ରହି ମୃତକଙ୍କ ପରିବାର ବର୍ଗଙ୍କୁ ସାନ୍ତ୍ୱନା ଜଣାଇଛନ୍ତି। କେଉଁ ବିଭାଗ ଏହି ବ୍ରିଜ୍ କରୁଥିଲା ବର୍ତ୍ତମାନ ସୁଦ୍ଧା ଏହା ଜଣାପଡ଼ିନାହିଁ।