ନୂଆଦିଲ୍ଲୀ, ୨୭ା୪ (ପି.ଟି.)-ଭାରତରେ କୋଭିଡ୍ ବିରୋଧରେ ଲଢେଇ ପାଇଁ ସହାୟତାର ହାତ ବଢାଇଛନ୍ତି କୋଲକାତା ନାଇଟ ରାଇଡର୍ସ (କେକେଆର)ର ଅଷ୍ଟ୍ରେଲୀୟ ପେସ୍ ବୋଲର ପ୍ୟାଟ୍ କୁମିନ୍ସ। ସୋମବାର ସେ ପିଏମ୍ କେୟାର୍ସ ପାଣ୍ଠିକୁ ୫୦,୦୦୦ ଆମେରିକୀୟ ଡଲାର ସହାୟତା ଘୋଷଣା କରିଛନ୍ତି। କରୋନା ରୋଗୀଙ୍କୁ ଅକ୍ସିଜେନ ଯୋଗାଣ କ୍ଷେତ୍ରରେ ଏହି ଅର୍ଥକୁ ବ୍ୟୟ କରାଯିବା ସେ ଚାହାନ୍ତି। ବର୍ତ୍ତମାନ ପରିସ୍ଥିତିରେ ଆଇପିଏଲ୍ ଜାରି ରହିବା ସପକ୍ଷରେ ବୋଲି ସେ କହନ୍ତି। ଏହି ଟି୨୦ ଟୁର୍ନାମେଣ୍ଟ ବର୍ତ୍ତମାନ ପରିସ୍ଥିତିରେ କିଛି ସମୟ ଲୋକମାନଙ୍କୁ ଖୁସି କରାଇପାରୁଛି ବୋଲି ସେ କହିଛନ୍ତି।