ସୋସିଆଲ ମିଡିଆରେ ବେଳେବେଳେ ମଜାଦାର ଭିଡିଓ ଭାଇରାଲ ହୋଇଥାଏ। ଏପରି ଭିଡିଓ ଲୋକଙ୍କୁ ହସିବାକୁ ବାଧ୍ୟ କରିଥାଏ। ନିକଟରେ ଏମିତି ଏକ ଭିଡିଓ ଭାଇରାଲ ହୋଇଛି। ସାଧାରଣତଃ କୁନି ପିଲାମାନେ କେଶ କାଟିବାବେଳେ ବହୁତ ହଇରାଣ କରନ୍ତି। ସେମାନଙ୍କୁ ନିୟନ୍ତ୍ରଣ କରିବା କାଠିକର ପାଠ ହୋଇଯାଏ।
ଭାଇରାଲ ହେଉଥିବା ଭିଡିଓରେ ଦେଖାଯାଏ, ଜଣେ ବ୍ୟକ୍ତି ପୁଅର କେଶ କାଟିବା ପାଇଁ ଅଜବ ପନ୍ଥା ଆପଣାଇଛନ୍ତି। ପ୍ରଥମେ ସେ ଏକ ପେଟି କାଟି ତା’ ଭିତରେ ଶିଶୁ ବସାନ୍ତି। ତା’ପରେ ଟ୍ରିମର ସହାୟତାରେ ତା’ର କେଶ କାଟନ୍ତି। କିନ୍ତୁ ଶିଶୁଟି ଭାବେ ଯେ, ବାପା ତାଙ୍କ ସହ ଖେଳୁଛନ୍ତି। ସେ କେଶ କଟାବେଳେ ମଜା ନେଉଥିବା ଦେଖାଯାଇଛି। ସୋସିଆଲ ମିଡିଆରେ ଲୋକମାନେ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି।
ThebestFigen ନାମକ ୟୁଜର୍ ହ୍ୟାଣ୍ଡଲ ଦ୍ୱାରା ଏହି ଭିଡିଓ ଶେୟାର କରାଯାଇଛି। ୧୯ ଲକ୍ଷରୁ ଅଧିକ ଲୋକ ଏହି ଭିଡିଓ ଦେଖିଛନ୍ତି। ଏହି ଭିଡିଓକୁ ୧୦ ଲକ୍ଷ ଲାଇକ ମିଳିଛି।
Smart Dad 😂 pic.twitter.com/ShqovkZjvv
— Mind Morsels (@Imcoolvids) December 2, 2023
