ନୂଆଦିଲ୍ଲୀ,୧୪ା୯: ଦେଶର ପ୍ରମୁଖ ଚାରିଚକିଆ ଯାନ ନିର୍ମାତା ବା ଅଟୋମୋବାଇଲ କମ୍ପାନୀ ସ୍କୋଡା ଅଟୋ ଇଣ୍ଡିଆ ପକ୍ଷରୁ ଗ୍ରାହକ ସମ୍ପର୍କ ଅଭିଯାନ ନାମରେ ଏକ ଅଭିନବ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି। ବିଶେଷକରି ଅହମ୍ମଦାବାଦ, ବେଙ୍ଗାଲୁରୁ ଏବଂ କୋଲକାତାରେ ଉକ୍ତ କାର୍ଯ୍ୟକ୍ରମର ସଫଳତା ପରେ ନିକଟରେ ଉକ୍ତ କାର୍ଯ୍ୟକ୍ରମ ଭୁବନେଶ୍ୱରର ଉଭୟ ଗ୍ରାହକ ଏବଂ ପ୍ରଶଂସକଙ୍କ ପାଇଁ ଆୟୋଜନ କରାଯାଇଥିଲା। ସେହିଭଳି ପୂର୍ବ ମାସରେ ପ୍ରଶଂସକଙ୍କ କାର୍ଯ୍ୟକଳାପ ପରେ ସେପ୍ଟେମ୍ବର ୧୦ରେ ସ୍କୋଡାର ପରିଚାଳନା ସହ ଜଡିତ ହେବା ଏବଂ କଥାବାର୍ତ୍ତା କରିବା ପାଳି ଭୁବନେଶ୍ୱରର ସ୍କୋଡା ପ୍ରଶଂସକଙ୍କର ଥିଲା। ଏହାର କାରଗୁଡିକ ସାମ୍ପ୍ରତିକ ବ୍ୟବସାୟର କେନ୍ଦ୍ର ହୋଇଥିବା ବେଳେ ବଜାରରେ ପ୍ରଶଂସକ ଏବଂ ଗ୍ରାହକଙ୍କ ଭଲପାଇବା ବ୍ରାଣ୍ଡ୍ ପାଇଁ ଅନେକ କିଛି ମହତ ବଜାୟ ରଖିଥାଏ ବୋଲି ସ୍କୋଡା ଅଟୋ ଇଣ୍ଡିଆ ବିଶ୍ୱାସ କରିଥାଏ। ବର୍ତ୍ତମାନ ଭୁବନେଶ୍ୱରରେ ଥିବା ସ୍କୋଡାର ପ୍ରଶଂସକମାନେ ଭାରତର ଅନ୍ୟ ୯ଟି ସହରକୁ ଯିବେ ବୋଲି ଜଣାପଡିଛି। ଅପରପକ୍ଷରେ ଭୁବନେଶ୍ୱର, ହାଇଦ୍ରାବାଦ ଏବଂ ପୁଣେରେ ଅନୁଷ୍ଠିତ ସ୍କୋଡା କାର୍ଯ୍ୟକଳାପର ପ୍ରଶଂସକମାନଙ୍କ ଠାରୁ ଅନେକ କିଛି ଜାଣିବାକୁ ମିଳିଛି ବୋଲି କମ୍ପାନୀ ପକ୍ଷରୁ କୁହାଯାଇଛି। ଏପରିକି ପ୍ରାୟ ୧୨୦ ପ୍ରଶଂସକ ଏବଂ ଗ୍ରାହକ ଉକ୍ତ କାର୍ଯ୍ୟକ୍ରମରେ ଯୋଗଦେଇଥିଲେ। ଗ୍ରାହକ ଯୋଡ଼ ଏବଂ ଗ୍ରାହକଙ୍କ ସନ୍ତୁଷ୍ଟି ପାଇଁ ଏହି ଆଡଟ-ଅଫ୍-ବକ୍ସ ଆନ୍ଦୋଳନ ସ୍କୋଡା ଅଟୋ ଇଣ୍ଡିଆ ପାଇଁ କିଛି ବୃହତ୍ ସଫଳତା ଆଣି ଦେଇଛି। ସେହିପରି କମ୍ପାନୀ ଚଳିତ ବର୍ଷ ଜାନୁୟାରୀରୁ ଅଗଷ୍ଟ ପଯର୍ୟନ୍ତ ୩୭,୫୬୮ୟୁନିଟ୍ ଗାଡ଼ି ପଞ୍ଜୀକୃତ କରିଛି, ଯାହା ଏହାର ଭାରତ ଯାତ୍ରାରେ ବର୍ତ୍ତମାନ ସୁଦ୍ଧା ସର୍ବାଧିକ ବିକ୍ରି ବୋଲି କୁହାଯାଇଛି।