ଗତ ବର୍ଷ ଫିଲ୍ମ ‘ପୁଷ୍ପା: ଦି ରାଇଜ’ ମୁକ୍ତିଲାଭ କରିଥିଲା। ଏହାର ସଂଳାପ ଏବଂ ଗୀତ ଆଜିବି ସମସ୍ତଙ୍କ ହୃଦୟରେ ଅଛି। ସୋସିଆଲ ମିଡିଆରେ ଫିଲ୍ମର କ୍ରେଜ ଏବେ ବି ଜାରି ରହିଛି। ଲୋକମାନେ ଏହାର ଗୀତରେ ରିଲ୍ସ ତିଆରି କରୁଛନ୍ତି। ନିକଟରେ ଜଣେ ସ୍କୁଲ ଛାତ୍ରୀ ‘ସାମି ସାମି’ ଗୀତରେ ଡ୍ୟାନ୍ସ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଭିଡିଓଟି ଏକ ବିଦ୍ୟାଳୟରେ ଏକ ନୃତ୍ୟ ରିହର୍ସାଲ ସମୟରେ ଶୁଟ୍ କରାଯାଇଛି। ଅନ୍ୟ ପିଲାମାନେ ମଧ୍ୟ ନାଚୁଥିବା ଦେଖାଯାଏ କିନ୍ତୁ କୁନି ଝିଅଟି ଲିପ-ସିଙ୍ଗ୍ କରି ଅତି ସୁନ୍ଦର ଭାବେ ଡ୍ୟାନ୍ସ କରିଥିଲେ।
ଏହି ହୃଦୟସ୍ପର୍ଶୀ ଭିଡିଓ ପୁଷ୍ପା ଫିଲ୍ମ ଅଭିନେତ୍ରୀ ରଶ୍ମିକା ମନ୍ଦନା ଶେୟାର କରିଛନ୍ତି। ସେ ଝିଅର ନୃତ୍ୟରେ ଅତ୍ୟନ୍ତ ପ୍ରଭାବିତ ହୋଇ କ୍ୟାପସନରେ ଲେଖିଥିଲେ, ‘ମୋ ଦିନ କଟିଗଲା, ମୁଁ ଏହି ସୁନ୍ଦର ଝିଅକୁ ଭେଟିବାକୁ ଚାହୁଁଛି। ମୁଁ କିପରି ଭେଟିବି? ’
ବିଭିନ୍ନ ପ୍ଲାଟଫର୍ମରେ ଏହି ଭିଡିଓକୁ ଲକ୍ଷ ଲକ୍ଷ ଥର ଦେଖାଯାଇଛ। କେବଳ ଏତିକି ନୁହେଁ, ଦିଲ୍ଲୀର ତିମାରପୁର ବିଧାୟକ ଦିଲୀପ ପାଣ୍ଡେ ମଧ୍ୟ ଇନଷ୍ଟାଗ୍ରାମରେ ଶେୟାର କରିଛନ୍ତି।
ସୁକୁମାରଙ୍କ ନିର୍ଦ୍ଦେଶିତ ଆଲୁ ଅର୍ଜୁନ ଅଭିନୀତ ‘ପୁଷ୍ପା’ ୨୦୨୧ର ସର୍ବାଧିକ ଆୟ କରିଥିବା ଭାରତୀୟ ଫିଲ୍ମ ଭାବରେ ଉଭା ହୋଇଥିଲା।
Maaaaadddddeeeeee myyyyy daaaaaay.. I want to meet this cutie..💘
how can I? 🥹 https://t.co/RxJXWzPlsK— Rashmika Mandanna (@iamRashmika) September 14, 2022
