ଭୁବନେଶ୍ୱର,୧୭।୪: ଅନୁଭବ ମହାନ୍ତିଙ୍କୁ ଭାଜପା କଟକ-ବାରବାଟୀରୁ ପ୍ରାର୍ଥୀ ହେବା ଚର୍ଚ୍ଚା ହେଉଛି। ଅନ୍ୟପଟେ କେନ୍ଦ୍ରାପଡା ଏମପି ହୋଇଥିବାରୁ ଏହି ଲୋକ ସଭା କ୍ଷେତ୍ର ଅନ୍ତର୍ଗତ ସାଲେପୁରରୁ ଅନୁଭବଙ୍କୁ ପ୍ରାର୍ଥୀ କରିପାରେ ଦଳ।
ଅରିନ୍ଦମ ରାୟ ବି କଟକ-ବାରବାଟୀରୁ ପ୍ରାର୍ଥୀ ହେବା ନେଇ ଦୀର୍ଘଦିନ ହେଲା ଆଲୋଚନା ହେଉଥିଲା। କାରଣ ଏଠାରେ ସେ ସଙ୍ଗଠନ ଚଳାଇଥିଲେ। ଯଦି ଅନୁଭବଙ୍କୁ କଟକ-ବାରବାଟୀ ଦିଆଯାଏ, ତା’ ହେଲେ ସାଲେପୁର ଆସନ ଅରିନ୍ଦମଙ୍କୁ ମିଳିବା ଚର୍ଚ୍ଚା ହେଉଛି। ଉଭୟ ଅନୁଭବ ମହାନ୍ତି, ଅରିନ୍ଦମ ରୟଙ୍କ ନିର୍ବାଚନମଣ୍ଡଳୀ ହେଉଛି କଟକ-ବାରବାଟୀ । ତେବେ ଜଣକୁ କଟକ-ବାଟବାଟୀ ଦେଲେ ଅନ୍ୟ ଜଣଙ୍କୁ ସାଲେପୁର ଦେଇପାରେ ବୋଲି ରାଜନୈତିକ ମହଲରେ ଆଲୋଚନା ହେଉଛି ।
ସୂଚନାଥାଉ କି, ରାଜ୍ୟରେ ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଗୁରୁବାର ବିଜ୍ଞପ୍ତି ପ୍ରକାଶ ପାଇବ । କୋରାପୁଟ, କଳାହାଣ୍ଡି , ନବରଙ୍ଗପୁର ଓ ବ୍ରହ୍ମପୁର ଲୋକ ସଭା ଓ ଏଥି ଅନ୍ତର୍ଗତ ୨୮ଟି ବିଧାନସଭା ଆସନରେ ଭୋଟ ହେବ ।
