ରାୟଗଡ଼ା,୨୮ା୯(ଭାଗ୍ୟଶ୍ରୀ ମିଶ୍ର): ସାଇବର ନିରାପତ୍ତା କ୍ୟାମ୍ପେନ ଆଗାମୀ ୩୦ରୁ ଆରମ୍ଭ ହୋଇ ଅକ୍ଟୋବର ୧୫ରେ ସରିବ। ଏନେଇ ଗୁରୁବାର ସ୍ଥାନୀୟ ଜିଲା ପରିଷଦ ସଭାଗୃହରେ ଆରକ୍ଷୀ ଅଧୀକ୍ଷକ ବିବେକାନନ୍ଦ ଶର୍ମା ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ଏହି ସମ୍ମିଳନୀରେ ରାଜ୍ୟ ଏବଂ ଜିଲାରେ ଦ୍ରୁତଗତିରେ ଅନେକ ସାଇବର କେସ୍ ବଢ଼ିବାରେ ଲାଗିଛି। ଆଜିର ଯୁଗରେ ସମସ୍ତେ ମୋବାଇଲରେ ଅଭ୍ୟସ୍ତ। ତେଣୁ ନିଜର ସମସ୍ତ ପେମେଣ୍ଟ, ଅର୍ଡର ସବୁ କ୍ଷେତ୍ରରେ ମୋବାଇଲକୁ ବହୁଳ ଭାବେ ବ୍ୟବହାର କରୁଛନ୍ତି। ହେଲେ ଅଧିକାଂଶ ସମୟରେ ଆର୍ଥିକ, ମାନସିକ ଭାବେ ଠକାମୀର ଶିକାର ହୋଇଥାନ୍ତି। ଏହାକୁ ରୋକିବା ପାଇଁ ତୃଣମୂଳସ୍ତରରୁ ସଚେତନତା ଜରୁରୀ ବୋଲି କହିଛନ୍ତି।
ଏହି ପରିପ୍ରେକ୍ଷୀରେ ଏକ ସଚେତନତା ରଥ ୩୦ ତାରିଖରେ ମୁଖ୍ୟମନ୍ତ୍ରୀଙ୍କ ଦ୍ୱାରା ଉଦ୍ଘାଟନ ହେବ। ଏହା ରାୟଗଡ଼ାରେ ପହଞ୍ଚିବା ପରେ ଜିଲାର ବିଭିନ୍ନ ଥାନା, ଜନଗହଳି ଅଞ୍ଚଳ ତଥା ଗ୍ରାମାଞ୍ଚଳ ବିଦ୍ୟାଳୟକୁ ଯାଇ ପ୍ରତ୍ୟେକ ବର୍ଗର ଲୋକଙ୍କୁ ସଚେତନ କରିବ।