ମିସେସ୍‌ ଗ୍ରାଣ୍ଡ୍‌ ଇଣ୍ଟରନ୍ୟାଶନାଲ ମୁକୁଟ ପିନ୍ଧିଲେ ସାଇପ୍ରସନ୍ନା

ଭୁବନେଶ୍ୱର,୩୧।୧୨(ଶର୍ମିଷ୍ଠା ପାଣିଗ୍ରାହୀ)ମ୍ୟାନ୍‌ମାରରେ ଆୟୋଜିତ ଅନ୍ତର୍ଜାତୀୟ ପ୍ରତିଭା ପ୍ରତିଯୋଗିତା ‘ମିସେସ ଗ୍ରାଣ୍ଡ୍‌ ଇଣ୍ଟରନ୍ୟାଶନାଲ ୨୦୨୩’ର ବିଜେତା ହୋଇ ମୁକୁଟ ପିନ୍ଧିଛନ୍ତି ଡ. ସାଇପ୍ରସନ୍ନା ବେହେରା। ୨୫ରୁ ଅଧିକ ଦେଶରୁ ଆସିଥିବା ପ୍ରତିଯୋଗୀଙ୍କୁ ପଛରେ ପକାଇ ସେ ଭାରତ ପାଇଁ ଏହି ଗୌରବ ଆଣିଛନ୍ତି। ପ୍ରଥମଥର ପାଇଁ ଭାରତ ଏହି ପ୍ରତିଯୋଗିତାର ମୁକୁଟ ହାସଲ କରିଛି। ତେବେ ଖୁସିର କଥା ଦେଶକୁ ପ୍ରତିନିଧିତ୍ୱ କରିଥିବା ଡ. ସାଇପ୍ରସନ୍ନାଙ୍କ ଘର ଭୁବନେଶ୍ୱରରେ। ୪୧ ବର୍ଷୀୟା ଡ. ବେହେରା କ୍ଲିନିକାଲ ରିସର୍ଚ୍ଚ ପ୍ରଫେସନାଲ ଭାବରେ କାର୍ଯ୍ୟରତ। ଏହି ପ୍ରତିଯୋଗିତାରେ ତାଙ୍କର ବୃତ୍ତିଗତ ଜ୍ଞାନ ଉଜ୍ଜ୍ୱଳ ଭାବରେ ଉଜ୍ଜ୍ବଳିତ ହୋଇଥିଲା, ଯାହା ଭାରତୀୟ ଶାସ୍ତ୍ରୀୟ ନୃତ୍ୟ ପ୍ରତି ତାଙ୍କର ଉତ୍ସାହ ବେଶ୍‌ ପରିପୂର୍ଣ୍ଣ ଥିଲା। ପ୍ରତିଭା ଚୟନ ରାଉଣ୍ଡ୍‌ରେ ତାଙ୍କ ଅଭିନୟରେ ଏକ ନିଆରା ଆକର୍ଷଣ ଯୋଡିଥିଲା।