ଟରଣ୍ଟୋ,୨୨।୪: ଭାରତର ଡି ଗୁକେଶ ୧୭ ବର୍ଷ ବୟସରେ କ୍ୟାଣ୍ଡିଡେଟ୍ସ ଚେସ୍ ଟୁର୍ନାମେଣ୍ଟ ଜିତି ଇତିହାସ ସୃଷ୍ଟି କରିଛନ୍ତି। ଏହି ବିଜୟ ସହିତ ଗୁକେଶ ପ୍ରାର୍ଥୀ ଚେସ ଟୁର୍ନାମେଣ୍ଟରେ ବିଶ୍ୱ ଚାମ୍ପିୟନ ହେବାରେ ସର୍ବକନିଷ୍ଠ ଖେଳାଳି ହୋଇଥିଲେ। ଏହା ସହିତ ଭାରତୀୟ ତାରକା ୪୦ ବର୍ଷ ପୁରୁଣା ରେକର୍ଡ ଭାଙ୍ଗିଛନ୍ତି। ବର୍ତ୍ତମାନ ଗୁକେଶ ଚଳିତ ବର୍ଷ ଶେଷରେ ଚାଇନା ବର୍ତ୍ତମାନର ବିଶ୍ୱକପ ଚାମ୍ପିଅନ ଡିଙ୍ଗ ଲିରେନ୍ଙ୍କ ବିପକ୍ଷରେ ଖେଳିବାର ସୁଯୋଗ ପାଇବେ।
ଗୁକେଶଙ୍କ ପୂର୍ବରୁ, କନିଷ୍ଠ ବୟସରେ ପ୍ରାର୍ଥୀ ଚେସ ଟୁର୍ନାମେଣ୍ଟ ଜିତିବାର ରେକର୍ଡ ରୁଷିଆର ଗ୍ୟାରି କାସପାରୋଭଙ୍କ ଦ୍ୱାରା ରହିଥିଲା, ଯିଏକି ୧୯୮୪ରେ ନିଜ ଦେଶର ନାଟୋଲି କାର୍ପୋଭଙ୍କୁ ଚ୍ୟାଲେଞ୍ଜ କରିବାକୁ ଯୋଗ୍ୟତା ଅର୍ଜନ କରିଥିଲେ। ସେତେବେଳେ କାସପାରୋଭଙ୍କୁ ୨୨ ବର୍ଷ ବୟସ ହୋଇଥିଲା। କିନ୍ତୁ ବର୍ତ୍ତମାନ, ଗୁକେଶ ୧୭ ବର୍ଷ ବୟସରେ ଏହି ସଫଳତା ହାସଲ କରିଛନ୍ତି।
ଟୁର୍ନାମେଣ୍ଟ ଜିତିବା ପାଇଁ ଗୁକେଶ ଗତ ରାଉଣ୍ଡରେ ଆମେରିକାର ହିକାରୁ ନାକାମୁରାଙ୍କ ସହ ଡ୍ର ଖେଳିଥିଲେ। ଟୁର୍ନାମେଣ୍ଟରେ ଗୁକେଶ ୧୪ ପଏଣ୍ଟ ମଧ୍ୟରୁ ୯ ସ୍କୋର କରିଥିଲେ। ବିଶ୍ୱ ଚାମ୍ପିୟନକୁ ଚ୍ୟାଲେଞ୍ଜ କରିବାକୁ ଚାହୁଁଥିବା ଖେଳାଳିଙ୍କ ପାଇଁ କ୍ୟାଣ୍ଡିଡେଟ୍ସ ଚେସ ଟୁର୍ନାମେଣ୍ଟ ଆୟୋଜିତ ହୋଇଛି।
ସୂଚନାଯୋଗ୍ୟ, କ୍ୟାଣ୍ଡିଡେଟ୍ସ ଚେସ ଟୁର୍ନାମେଣ୍ଟ ଜିତିବାରେ ଡି ଗୁକେଶ ଦ୍ୱିତୀୟ ଭାରତୀୟ ଖେଳାଳି ହୋଇଥିଲେ। ଗୁକେଶଙ୍କ ପୂର୍ବରୁ ଭାରତର ବିଶ୍ୱନାଥ ଆନନ୍ଦ ଏହି ଟୁର୍ନାମେଣ୍ଟରେ ଜିତିଥିଲେ। ଗୁକେଶଙ୍କ ବିଜୟ ପରେ ବିଶ୍ୱନାଥ ଆନନ୍ଦ ଏକ୍ସରେ ଲେଖିଛନ୍ତି, କନିଷ୍ଠ ଚ୍ୟାଲେଞ୍ଜର ହୋଇଥିବାରୁ ଡି ଗୁକେଶଙ୍କୁ ଅଭିନନ୍ଦନ। ଆପଣ ଯାହା ହାସଲ କରିଛନ୍ତି ସେଥିପାଇଁ ମୁଁ ଗର୍ବିତ। ମୁଁ ବ୍ୟକ୍ତିଗତ ଭାବେ ବହୁତ ଗର୍ବିତ। ଏହି ମୁହୂର୍ତ୍ତକୁ ଉପଭୋଗ କରନ୍ତୁ।
