କେନ୍ଦ୍ର ସରକାରୀ କର୍ମଚାରୀ-ପେନସନଭୋଗୀଙ୍କ ମହଙ୍ଗା ଭତ୍ତା ୪ ପ୍ରତିଶତ ବୃଦ୍ଧି ପାଇବା ନିଶ୍ଚିତ…

ନୂଆଦିଲ୍ଲୀ,୧।୮ : ୪୭ ଲକ୍ଷ କେନ୍ଦ୍ର ସରକାରୀ କର୍ମଚାରୀ ଏବଂ ପ୍ରାୟ ୬୨ ଲକ୍ଷ ପେନସନଭୋଗୀଙ୍କ ପାଇଁ ଏକ ଖୁସି ଖବର ଅଛି । ଜୁଲାଇ ୧ରୁ ସେମାନଙ୍କର ମହଙ୍ଗା ଭତ୍ତା ରେ ଚାରି ପ୍ରତିଶତ ବୃଦ୍ଧି ବର୍ତ୍ତମାନ ନିଶ୍ଚିତ ହୋଇଛି। ଏହାର କାରଣ, ଜୁନ ୨୦୨୩ ପାଇଁ ଶ୍ରମ ବ୍ୟୁରୋ ଦ୍ୱାରା ପ୍ରକାଶିତ ‘ଅଲ ଇଣ୍ଡିଆ ଗ୍ରାହକ ମୂଲ୍ୟ ସୂଚକାଙ୍କ ପାଇଁ ଶିଳ୍ପ ଶ୍ରମିକ’ ସୂଚକାଙ୍କରେ ୧.୭ ପଏଣ୍ଟ ବୃଦ୍ଧି ରେକର୍ଡ କରାଯାଇଛି।

ବର୍ତ୍ତମାନ ଏହି ସୂଚକାଙ୍କ ୧୩୬.୪ ହୋଇଛି। ଏପରି ପରିସ୍ଥିତିରେ, ଜୁଲାଇ ୨୦୨୩ ରୁ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କୁ ମହଙ୍ଗା ଭତ୍ତାରେ ୪ ପ୍ରତିଶତ ବୃଦ୍ଧି ସ୍ଥିର ହୋଇଛି। ଏହି ବୃଦ୍ଧି ସହିତ ମହଙ୍ଗା ଭତ୍ତା ହାର ୪୬ ପ୍ରତିଶତ ହୋଇଯିବ। ସେପ୍ଟେମ୍ବର ପ୍ରଥମ ସପ୍ତାହରେ, ୪୬ ପ୍ରତିଶତ ମହଙ୍ଗା ଭତ୍ତାର ଫାଇଲ କେନ୍ଦ୍ର କ୍ୟାବିନେଟର ଅନୁମୋଦନ ଲାଭ କରିବା ପ୍ରାୟ ନିଶ୍ଚିତ ହୋଇଛି।