ମୁମ୍ବାଇ: ନିକଟରେ ବଲିଉଡ ଦବଙ୍ଗ ଗର୍ଲ ସୋନାକ୍ଷୀ ସିହ୍ନା ଏବଂ ଜହିର ଇକବାଲ ଖୁବ ଚର୍ଚ୍ଚାରେ ରହି ଆସୁଛନ୍ତି। ଜହିର ଇକବାଲଙ୍କ ସହ ସମ୍ପର୍କ ଥିବା ଶୁଣିବାକୁ ମିଳୁଥିବା ସୋନାକ୍ଷୀ ରବିବାର ତାଙ୍କ ଜନ୍ମଦିନରେ ତାଙ୍କୁ ପ୍ୟାର ଭରା ଅନ୍ଦାଜରେ ଓ୍ବିଶ କରିଛନ୍ତି। ସେ ସେମାନଙ୍କର ସୁନ୍ଦର ମୁହୂର୍ତ୍ତକୁ କ୍ୟାପଚର କରି ଏକ ସୁନ୍ଦର ଭିଡିଓ ପୋଷ୍ଟ କରିଥିଲେ ଏବଂ ଜହିରଙ୍କ ପାଇଁ ଏକ ସ୍ବତନ୍ତ୍ର ନୋଟ ମଧ୍ୟ ଲେଖିଥିଲେ।
ରବିବାର ଅଭିନେତ୍ରୀ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲକୁ ନେଇ ତାଙ୍କ ଗୁଜବ ପ୍ରେମିକ ଜହିର ଇକବାଲଙ୍କୁ ତାଙ୍କ ଜନ୍ମଦିନରେ ଶୁଭକାମନା ଜଣାଇଥିଲେ। ଅଭିନେତ୍ରୀ ଏକ ଭିଡିଓ ପୋଷ୍ଟ କରିଛନ୍ତି, ଯେଉଁଥିରେ ଏହି ଲଭବାର୍ଡଙ୍କ ଅନେକ ସୁନ୍ଦର ଫଟୋ ଦେଖିବାକୁ ମିଳିଛି। ଭିଡିଓ ପୋଷ୍ଟ କରିବାବେଳେ ସୋନାକ୍ଷୀ କ୍ୟାପସନରେ ଲେଖିଛନ୍ତି – ମୋର Z (ee) ଏବଂ ମୋର ବ୍ୟକ୍ତିଗତ ସାଇକୋ ଜାହିର ଇକବାଲଙ୍କୁ ଜନ୍ମଦିନର ଶୁଭେଚ୍ଛା।
ସୂଚନାଯୋଗ୍ୟ, ଯେତେବେଳେ ସୋନାକ୍ଷୀ ସିହ୍ନା ଏବଂ ଜହିର ଇକବାଲ ଅର୍ପିତା ଖାଁଙ୍କ ଦିୱାଲୀ ପାର୍ଟିରେ ଏକାଠି ହୋଇଥିଲେ, ସେତେବେଳେ ଏହି ଦମ୍ପତି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ଏହି ପ୍ରେମ ପକ୍ଷୀମାନେ ପ୍ରାୟତଃ ପ୍ରତ୍ୟେକ ସ୍ପେଶାଲ ଇଭେଣ୍ଟରେ ଏକାଠି ଦେଖାଯାଆନ୍ତି। ସେମାନଙ୍କ ସମ୍ପର୍କ ବିଷୟରେ ଚାଲିଥିବା କଳ୍ପନାଜଳ୍ପନା ହେତୁ ଏହି ଦମ୍ପତି ହେଡଲାଇନରେ ରହିଛନ୍ତି।