ଭୁବନେଶ୍ୱର,୧୩।୪, (ଅନୁରାଧା ମହାରଣା): ଜାପାନର ପୂର୍ଣ୍ଣ ମାଲିକାନାଧୀନ ସହଯୋଗୀ କମ୍ପାନୀ ତଥା ଭାରତରେ ଏୟାର କଣ୍ଡିସନିଂ ବଜାରରେ ଅଗ୍ରଣୀ ସ୍ଥାନରେ ରହିଥିବା ଡାଇକିନ୍ ଇଣ୍ଡଷ୍ଟ୍ରିଜ୍ ଲିମିଟେଡ୍ ଓଡ଼ିଶା ବଜାର ପାଇଁ ଏକାଧିକ ନୂତନ ଏୟାର କଣ୍ଡିସନିଂ ଉପତ୍ାଦର ବଜାର ପ୍ରବେଶ କରାଇଛି। ଏ କ୍ଷେତ୍ରରେ ଉକତ୍ର୍ଷ ପାଇଁ ଡାଇକିନ୍ ପକ୍ଷରୁ ରାଜଧାନୀ ଭୁବନେଶ୍ୱରରେ ତାଲିମ କେନ୍ଦ୍ର ‘ଡାଇକିନ୍ ସେଣ୍ଟର ଅଫ୍ ଏକ୍ସିଲେନ୍ସ’ ପ୍ରତିଷ୍ଠା କରାଯାଇଛି। ଏହି ତାଲିମକେନ୍ଦ୍ରଗୁଡ଼ିକ ଅନ୍ୟ ପ୍ରତିଷ୍ଠାନଗୁଡ଼ିକୁ ସମ୍ପ୍ରସାରିତ କରାଯିବ ଏବଂ ଶିକ୍ଷା ପ୍ରତିଷ୍ଠାନଗୁଡ଼ିକ ସହ ଏହି ସହଯୋଗୀ ସମ୍ପର୍କ ଛାତ୍ରୀଛାତ୍ରଙ୍କୁ ନୂଆ ଟେକ୍ନୋଲୋଜି କ୍ଷେତ୍ରରେ ଆନ୍ତର୍ଜାତିକ ମାନକ ଅନୁଯାୟୀ କୁଶଳତା ବିକାଶ ନିମନ୍ତେ ଏକ ମଞ୍ଚ ଯୋଗାଇବ ଏବଂ ସେମାନଙ୍କର ନିଯୁକ୍ତିକୁ ଅଧିକ ଭଲ କରିବା ଦିଗରେ ସେମାନଙ୍କୁ ସହାୟକ ହେବ। ଶୁକ୍ରବାର ସ୍ଥାନୀୟ ଏକ ହୋଟେଲରେ ଆୟୋଜିତ ଖବରଦାତା ସମ୍ମିଳନୀରେ ଡାଇକିନ୍ ଇଣ୍ଡିଆର ସିନିୟର ଭାଇସ୍ ପ୍ରେସିଡେଣ୍ଟ ତଥା ଏକ୍ଜିକ୍ୟୁଟିଭ୍ ଡାଇରେକ୍ଟର କୁଲଦୀପକ ବିରମଣ କହିଛନ୍ତି, ସମଗ୍ର ଭାରତରେ ଡାଇକିନ୍ ବଜାର ସ୍ଥିତି ସୁଦୃଢ଼ କରିଥିବାବେଳେ ଅନୁରୂପ ଭାବେ ଓଡ଼ିଶାରେ ଅଗ୍ରସର ହେବାକୁ ଆମର ଯୋଜନା ରହିଛି। ପୂର୍ବାଞ୍ଚଳ ବଜାରରେ ଗତବର୍ଷ ୫୦ ପ୍ରତିଶତିରୁ ଅଧିକ ହାରରେ ଅଭିବୃଦ୍ଧି ହାସଲ କରିଛି ଏବଂ ଡାଇକିନ୍ ଇଣ୍ଡିଆ ୨୦୨୫ ସୁଦ୍ଧା ୨୦୦୦ କୋଟି ଟଙ୍କାରେ ପହଞ୍ଚତ୍ବା ଲକ୍ଷ୍ୟ ରଖିଥିବା ସେ କହିଛନ୍ତି। ୨୦୨୪-୨୫ ଆର୍ଥିକ ବର୍ଷ ଶେଷ ସୁଦ୍ଧା ଓଡ଼ିଶାରେ ୨୦% ବଜାର ଅଂଶ ଦଖଲ କରିବାକୁ ସମଗ୍ର ଓଡ଼ିଶାରେ ମାର୍କେଟିଂ ଏବଂ ପ୍ରମୋସନ କ୍ଷେତ୍ରରେ ଆମ ନିବେଶ ଯୋଜନା ରହିଥିବା ସେ ସୂଚନା ଦେଇଛନ୍ତି। ଏପରିକି ଆନ୍ଧ୍ରପ୍ରଦେଶର ଶ୍ରୀସିଟିରେ ଏହାର ନୂତନ କାରଖାନାକୁ କାର୍ଯ୍ୟକ୍ଷମ କରିଛି, ଯାହା ୭୫.୫ ଏକର ପରିମିତ ଅଞ୍ଚଳରେ ଅବସ୍ଥିତ ରହିଛି।
