ରସୁଲପୁର,୨୦ା୭(ଡି.ଏନ୍.ଏ.): ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ଖଣ୍ଡିତରଠାରେ ମୂଳ ଖରସ୍ରୋତା ନଦୀବନ୍ଧର ତଳମୁଣ୍ଡରେ ସ୍ଲୁଇସ୍ ଗେଟ୍ ନିକଟରେ ଏକ ବଡ ଫାଟ ସୃଷ୍ଟି ହୋଇଛି ା ଏହି ଫାଟ ଯୋଗୁ ସ୍ଲୁଇସ୍ ଗେଟ ପ୍ରତି ବିପଦ ସୃଷ୍ଟି କରୁଛି ା ନଦୀରେ ବନ୍ୟା ଆସିବା ପୂର୍ବରୁ ଦୁର୍ବଳ ସ୍ଥାନକୁ ସୁଦୃଢୀକରଣ କରିବା ପାଇଁ ନଦୀକୂଳବାସୀ ଦାବି କରୁଛନ୍ତି। ହେଲେ ସେଥିପ୍ରତି ବିଭାଗୀୟ କର୍ତ୍ତୃପକ୍ଷ ଧ୍ୟାନ ଦେଉ ନ ଥିବା ଅଭିଯୋଗ ହୋଇଛି।
ନଦୀରେ ବନ୍ୟା ନିୟନ୍ତ୍ରଣ କରିବା ପାଇଁ ଜଳସେଚନ ବିଭାଗ ପକ୍ଷରୁ ସ୍ଲୁଇସ୍ ଗେଟ ନିର୍ମାଣ କରାଯାଇଛି ା ରକ୍ଷଣାବେକ୍ଷଣ ଅଭାବରୁ ସ୍ଲୁଇସ୍ ଗେଟ୍ର ଫାଟ ସୃଷ୍ଟି ହୋଇଛି ା ଏହାଛଡା ୨୯ ଅଗଷ୍ଟ,୨୦୨୦ରେ ଖରସ୍ରୋତାରେ ବନ୍ୟା ଆସିବାରୁ ଏହି ସ୍ଥାନରେ ୩୦୦ଫୁଟ୍ର ଘାଇ ସୃଷ୍ଟି ହୋଇଥିଲା ା ଏହି ଘାଇ ଯୋଗୁ ସେତେବେଳେ ରସୁଲପୁର, ଭୋଟକା, ଗନ୍ଧଣ ଆଦି ପଞ୍ଚାୟତର ୧୫ରୁ ଊର୍ଦ୍ଧ୍ୱ ଗାଁ ପ୍ରଭାବିତ ହୋଇଥିଲା ା ଶତାଧିକ ହେକ୍ଟର ଚାଷଜମି ଜଳମଗ୍ନ ହୋଇ ଫସଲ ପ୍ରଭାବିତ ହୋଇଥିଲା ା ବନ୍ୟା ଛାଡି ଯିବା ପରେ ବିଭାଗ ପକ୍ଷରୁ ଘାଇକୁ ମରାମତି କରାଯାଇ ବନ୍ଧକୁ ସୁଦୃଢୀକରଣ କରାଯାଇଥିଲା ା ଏହାରି ଭିତରେ ୨ବର୍ଷ ବିତି ସାରିଛି ା ନଦୀରେ ବନ୍ୟା ଆସିନାହିଁ ା ଏଥର ବର୍ଷାଋତୁ ଆରମ୍ଭରେ ଏହି ସ୍ଥାନରେ ଫାଟ ସୃଷ୍ଟି ହେବାକୁ ନେଇ ନଦୀକୂଳିଆ ଆତଙ୍କିତ ହୋଇପଡିଛନ୍ତି ା ନଦୀରେ ବନ୍ୟା ଆସିଲେ ଏହି ଦୁର୍ବଳ ସ୍ଥାନରେ ପୁଣିଥରେ ଘାଇ ସୃଷ୍ଟି ହେବାର ସମ୍ଭାବନା ବଢି ଯାଇଛି ା ଏଥିସହ ସ୍ଲୁଇସ୍ ଗେଟ୍ ପ୍ରତି ବିପଦ ସୃଷ୍ଟି ହେବ ବୋଲି ସାଧାରଣରେ ମତ ପ୍ରକାଶ ପାଇଛି ା ତେବେ ନିମ୍ନମାନର କାର୍ଯ୍ୟ ହୋଇଥିଲା ବୋଲି ବନ୍ଧରେ ଫାଟ ସୃଷ୍ଟି ହୋଇଛି ବୋଲି ଲୋକେ କହୁଛନ୍ତି ା ଏ ସମ୍ପର୍କରେ ବିଭାଗୀୟ ଅଧିକାରୀ ଜାଣିବା ପରେ ସେହି ସ୍ଥାନରେ କ୍ରସର ଗୁଣ୍ଡ ପକାଇ ଦୋଷ ଘୋଡାଇବାକୁ ଚେଷ୍ଟା କରୁଥିବା ଅଭିଯୋଗ ହୋଇଛି ା ଏ ସମ୍ପର୍କରେ ବିଭାଗୀୟ ସହକାରୀ ଯନ୍ତ୍ରୀ ସୁବାସ ସାହୁଙ୍କୁ ପଚାରିବାରୁ ପଥର ପାର୍କିଂ ବେଳେ ରହିଥିବା ଫାଙ୍କରୁ ମାଟି ଧୋଇ ଯିବା ଫଳରେ ଏଭଳି ହୋଇଛି ା ତେବେ ଏହାକୁ ମରାମତି କରିବା ପାଇଁ ବ୍ୟବସ୍ଥା କରାଯାଉଛି ା ଫାଟ ସ୍ଥାନରେ ଏବେ କ୍ରସର ଗୁଣ୍ଡ ପକାଯାଇ ବନ୍ଧର ସ୍ଥିତିକୁ ମଜୁଭୁତ୍ କରାଯାଇଛି ା ପରେ ସୁଦୃଢୀକରଣ କରାଯିବ ବୋଲି କହିଛନ୍ତି ା