ଖଇରା,୧୫ା୯(ଉତ୍କଳବନ୍ଧୁ ପଣ୍ଡା): ବାଲେଶ୍ୱର ଜିଲା ଖଇରା ବ୍ଲକ ଅଧୀନ କୁପାରୀ ପଥୁରିଆ ଅଞ୍ଚଳରେ ମେଗା ପାନୀୟଜଳ ପ୍ରକଳ୍ପ କାର୍ଯ୍ୟ ଚାଲୁଥିବା ବେଳେ ପାଇପ୍ ବିଛା କାମ ପାଇଁ କଂକ୍ରିଟ ରାସ୍ତା ନଷ୍ଟ କରାଯାଉଥିବା ଏବଂ ମାସ ମାସ ଧରି ମରାମତି କରାଯାଉ ନ ଥିବାରୁ ଅସନ୍ତୋଷ ବଢିବାରେ ଲାଗିଛି। କଇଥଗଡିଆ, ଗଡ଼ପୋଖରୀ, ରଟିଣା, ବାଉଁଶଗଡିଆ, ହରିପୁର, କୁପାରୀ ଆଦି ପଞ୍ଚାୟତର ବିଭିନ୍ନ ଗ୍ରାମ ସଂଯୋଗୀକରଣ ରାସ୍ତାଗୁଡ଼ିକ ବହୁ ପରିମାଣରେ ନଷ୍ଟ କରାଯାଉଛି। ନିକଟରେ କଇଥଗଡ଼ିଆ ପଞ୍ଚାୟତ ସାନ ନୂଆଗାଁର ପାଟଣାସାହିରେ ଏଭଳି ଭାବେ କଂକ୍ରିଟ ରାସ୍ତାକୁ ଖୋଳି ପାଇପ ବିଛାଇବା ପରେ ରାସ୍ତା ମରାମତି କରା ନ ଯାଇ ଛାଡ଼ି ଦିଆଯାଇଛି। ଯେଉଁଥିପାଇଁ ଏହି ସାହିର ଲୋକମାନଙ୍କ ଯିବା ଆସିବାରେ ଗୁରୁତର ସମସ୍ୟା ସୃଷ୍ଟି ହେବା ପରେ ପ୍ରତିବାଦର ସ୍ବର ଉଠିଛି। ଠିକାଦାରୀ ସଂସ୍ଥା ଏଭଳି ଭାବେ ବେପରୁଆ କାମ ଜାରି ରହିଲେ ବାଧ୍ୟ ହୋଇ ଆନ୍ଦୋଳନକୁ ଓହ୍ଲାଇବେ ବୋଲି ଗ୍ରାମର ଅଜୟ ଜେନା, ସୃଜୟ ବିଶ୍ୱାଳ, ଜୟନ୍ତ ପାତ୍ର, ବଂଶୀଧର ରାଉଳ, ରମେଶ ପାତ୍ର, ମଧୁସୂଦନ ଓଝା, ସାନୁ ଜେନା ପ୍ରମୁଖ ଚେତାବନୀ ଦେଇଛନ୍ତି।
ଅନୁଯାୟୀ ଠିକାଦାର ୮ଦିନ ତଳେ ରାସ୍ତାକଡ଼ରେ ପାଣି ପାଇପ ନେବା ପରିବର୍ତ୍ତେ ରାସ୍ତା ମଝିକୁ ମେଶିନରେ ଖୋଳି ପାଇପ୍ ନେଇଥିଲୋ। ବର୍ଷେ ତଳେ ଲକ୍ଷ ଲକ୍ଷ ଟଙ୍କା ବ୍ୟୟରେ ନିର୍ମାଣ ହୋଇଥିବା ରାସ୍ତାକୁ ଏଭଳି ବେପରୁଆ ଭାବେ ଖୋଳିବାକୁ ନେଇ ଗ୍ରାମବାସୀ ପ୍ରତିବାଦ ଜଣାଇଥିଲେ। ହେଲେ ସରପଞ୍ଚ ତାଙ୍କୁ କହିଛନ୍ତି ବୋଲି କହି ଜୋରଜବରଦସ୍ତ ରାସ୍ତା ଖୋଳିଥିଲେ। ଏ ସମ୍ପର୍କରେ ସେମାନେ ଅଧିକାରୀଙ୍କୁ ଜଣାଇବା ପରେ ମରାମତି କରିବାକୁ ପ୍ରତିଶ୍ରୁତି ମିଳିଥିଲା। ହେଲେ ୮ଦିନ ବିତିଯାଇଥିଲେ ହେଁ ଠିକାଦାର ମରାମତିର ନଁା ଗନ୍ଧ ଧରୁ ନ ଥିବା ଗ୍ରାମବାସୀ ଅଭିଯୋଗ କରିଛନ୍ତି। ଏବେ ସମୂହ ଗ୍ରାମବାସୀ ଜିଲାପାଳଙ୍କୁ ଭେଟିବାକୁ ମଧ୍ୟ ନିଷ୍ପତ୍ତି ନେଇଥିବା ଜଣାଯାଇଛି। ଏ ସମ୍ପର୍କରେ କନିଷ୍ଠଯନ୍ତ୍ରୀଙ୍କୁ ପଚାରିବାରୁ ରାସ୍ତାକୁ ଠିକ୍ ଭାବେ ମରାମତି କରିବାକୁ ନିର୍ଦ୍ଦେଶ ଦିଆଯାଇଥିବା କହିଛନ୍ତି।
