ଢାକା,୮।୮: ବିରାଟ କୋହଲିଙ୍କ ନେତୃତ୍ୱରେ ଭାରତୀୟ ଦଳ ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଚମତ୍କାର ପ୍ରଦର୍ଶନ କରୁଥିବାବେଳେ ବାଂଲାଦେଶ ବିପକ୍ଷରେ ଖେଳୁଥିବା ଆରସିବି ସାଥୀ ଖେଳାଳି ଡାନିଏଲ ଖ୍ରୀଷ୍ଟିଆନ ମଧ୍ୟ ଚମତ୍କାର ବ୍ୟାଟିଂ କରୁଛନ୍ତି। ଚତୁର୍ଥ ଟି -୨୦ମ୍ୟାଚରେ ଅଷ୍ଟ୍ରେଲିଆ ଶେଷରେ ବାଂଲାଦେଶକୁ ପରାସ୍ତ କରିଛି। ଅଷ୍ଟ୍ରେଲୀୟ ଅଲରାଉଣ୍ଡର ଡାନ ଖ୍ରୀଷ୍ଟିଆନ ୧୫ ବଲରେ ୩୯ ରନ୍ର ଇନିଂସ ଖେଳିଥିଲେ। ଏହି ଇନିଂସ ଭିତରେ ସେ ଶାକିବ ଅଲ ହାସନଙ୍କ ଗୋଟିଏ ଓଭରରେ ପାଞ୍ଚ ଛକା ମାରିଥିଲେ। ଶାକିବଙ୍କ ଏହି ଓଭରରେ ମୋଟ ୩୦ ରନ ସ୍କୋର କରାଯାଇଥିଲା। ଅଷ୍ଟ୍ରେଲିଆ ପାଇଁ ଖ୍ରୀଷ୍ଟିଆନ ପ୍ରଥମ ବ୍ୟାଟ୍ସମ୍ୟାନ ହୋଇଛନ୍ତି ଓଭରରେ ୬ଟି ଛକା ମାରିଛନ୍ତି। କୌତୁହଳର ବିଷୟ, ଦିନିକିଆ, ଟି-୨୦ ଏବଂ ଆଇପିଏଲରେ ଖ୍ରୀଷ୍ଟିଆନଙ୍କ ସର୍ବୋତ୍ତମ ସ୍କୋର ମାତ୍ର ୩୯। ୩୮ ବର୍ଷୀୟ ଏହି ଅଲରାଉଣ୍ଡର ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପାଇଁ ଖେଳନ୍ତି। ପାଞ୍ଚ ମ୍ୟାଚ ବିଶିଷ୍ଟ ସିରିଜରେ ଏହା ଅଷ୍ଟ୍ରେଲିଆର ପ୍ରଥମ ବିଜୟ। ବାଂଲାଦେଶ ୩-୧ରେ ଆଗୁଆ ରହିଛି ଏବଂ ସିରିଜ ଜିତିଛି।