ପୁରୁଷୋତ୍ତମପୁର,୨୫।୩(ଡି.ଏନ୍.ଏ.): ଗଞ୍ଜାମ ଜିଲାର ପ୍ରସିଦ୍ଧ ମା’ ଦଣ୍ଡକାଳୀଙ୍କ ୨୧ଦିନିଆ ଦଣ୍ଡଯାତ୍ରା ପୁରୁଷୋତ୍ତମପୁରଠାରେ ଗୁରୁବାର କୋଭିଡ୍ କଟକଣାରେ ଆରମ୍ଭ ହୋଇଛି। ଏଠାରେ ଥିବା ତିନୋଟି ଦଣ୍ଡ ଯାତ୍ରା ଦଳ (ଧୋବା ପୁଞ୍ଜା, ବିପତ୍ତି ହାରିଣି ତେଲି ପୁଞ୍ଜା ଓ ଗୌଡ ପୁଞ୍ଜା )ର ମା’ କାଳୀ ନିଜସ୍ବ ମନ୍ଦିର ଛାଡ଼ି ଭକ୍ତଙ୍କ ମଙ୍ଗଳ ଲାଗି ବାହାରକୁ ଆସିଛନ୍ତି। ଦୀର୍ଘ ୨୧ଦିନ ଧରି ମା’ କାଳୀ ମହାଦେବଙ୍କୁ ସଙ୍ଗରେ ନେଇ ଦାଣ୍ଡେ ଦାଣ୍ଡେ ବୁଲି ଭକ୍ତ ମାନସିକ ପୂରଣ କରିବେ। ମାତ୍ର ପ୍ରଶାସନର କରୋନା କଟକଣା ନିୟମ ରହିଥିବା ହେତୁ ଦଣ୍ଡଯାତ୍ରା ଦଳମାନଙ୍କ ପକ୍ଷରୁ ଜନଗହଳିକୁ ସମ୍ପୂର୍ଣ୍ଣ ରୂପେ ବାରଣ କରାଯାଇଛି। ଯାହା ଦ୍ୱାରା ଭକ୍ତମାନେ ଗତବର୍ଷ ଭଳି ମା’ଙ୍କ ନିକଟକୁ ଆସି ଦର୍ଶନ କରିପାରିନାହାନ୍ତି।
କରୋନା ଯୋଗୁ ଗତବର୍ଷ ମା’ଙ୍କୁ ଆଦୌ ଭକ୍ତମାନେ ଦର୍ଶନ କରିପାରି ନଥିବା ବେଳେ ଚଳିତବର୍ଷ ମା’ ଦଣ୍ଡକାଳୀଙ୍କୁ ଦେଖି ଭାବବିହ୍ବଳ ହୋଇପଡ଼ିଛନ୍ତି। ଭକ୍ତଙ୍କ ସଂଖ୍ୟା ମଧ୍ୟ କମାଇ ଦିଆଯାଇଛି। ଏହି ଯାତ୍ରାରେ ରାତିରେ ସାଂସ୍କୃତିକ କାର୍ଯ୍ୟକ୍ରମକୁ ସମ୍ପୂର୍ଣ୍ଣ ବନ୍ଦ କରାଯାଇଛି। କେବଳ ମା’ଙ୍କ ପାରମ୍ପରିକ ପୂଜାର୍ଚ୍ଚନା କରାଯାଉଛି। ମାସ୍କ ଓ ସାନିଟାଇଜର ସହ ସମାଜିିକ ଦୂରତାକୁ ଗୁରୁତ୍ୱ ଦିଆଯାଉଛି। ଏହି ଯାତ୍ରା ବୃଷ ସଂକ୍ରାନ୍ତି ବା ମେରୁ ଯାତ୍ରାରେ ଉଦ୍ଯାପିତ ହେବ।
