ଦଶହରା ଆସିଲେ ସମସ୍ତେ ନିଜ ନିଜ ସାଙ୍ଗସାଥୀ, ବନ୍ଧୁବାନ୍ଧବଙ୍କ ସହ ମଜା ମସ୍ତିରେ ମଜି ଯାଆନ୍ତି। ହେଲେ ବ୍ୟସ୍ତତା ମଧ୍ୟରେ ଥାଇ ମଧ୍ୟ ଅଧିକାଂଶ ମହିଳା ନିଜକୁ ଭିନ୍ନ ଭିନ୍ନ ଲୁକ୍ରେ ସଜାଇବାକୁ ଜମାରୁ ଭୁଲନ୍ତି ନାହିଁ। ବର୍ତ୍ତମାନ ଦାଣ୍ଡିଆ ଗେଟ୍ଅପ୍ ଟ୍ରେଣ୍ଡରେ ଥିବାରୁ ଅନେକେ ଏହାକୁ ଆପଣେଇବାକୁ ପସନ୍ଦ କରୁଛନ୍ତି। ଯଦି ଆପଣ ବି ଏଥିପାଇଁ ଇଚ୍ଛୁକ ତେବେ ନିଜକୁ କିପରି ପ୍ରସ୍ତୁତି କରିବେ ଜାଣିବା ରଖନ୍ତୁ ଟିପ୍ସ…
ଦଶହରାକୁ ଅଧିକ ମଜାଦାର କରିବାକୁ ଯଦି ନିଜକୁ ଦାଣ୍ଡିଆ ଲୁକ୍ ଦେବାକୁ ଚାହାନ୍ତି ତେବେ ଚନିଆ- ଚୋଲି , ଘାଘରା- ଚୋଲି ହିଁ ସବୁଠୁ ଭଲ ଲାଗିଥାଏ। ଆପଣ ଚାହିଁଲେ ଲେହେଙ୍ଗା ବି ପିନ୍ଧିପାରିବେ। ଲାଲ୍, ସବୁଜ, ହଳଦୀ, ଗୋଲାପି, ନୀଳ ଆଦି ରଙ୍ଗ ବାଛନ୍ତୁ, ଅଧିକ ଆଟ୍ରାକ୍ଟିଭ୍ ଲାଗିବେ।
ଯଦି ନୂଆ କିଣିବାକୁ ନ ଚାହାନ୍ତି ତେବେ ପାଖରେ ଥିବା କୌଣସି ହାତୀ, ମୟୂର, ଫୁଲ, କୁମ୍ଭ କିମ୍ବା ଅନ୍ୟ ଟ୍ରାଡିଶନାଲ୍ ପ୍ରିଣ୍ଟ ଥିବା ଲଙ୍ଗ୍ ସ୍କର୍ଟ ସହିତ ଡିଜାଇନର୍ ବ୍ଲାଉଜ୍ ଏବଂ ହେଭି ଓ୍ବାର୍କ ଥିବା ଦୁପଟା(ରାଜସ୍ତାନୀ କିମ୍ବା ଗୁଜରାଟି)କୁ ମିକ୍ସ ମ୍ୟାଚ୍ କରି ପିନ୍ଧି ପାରିବେ। ଏହା ଆପଣଙ୍କୁ ଟ୍ରେଣ୍ଡି ଏବଂ ଗର୍ଜିଅସ୍ ଲୁକ୍ ଦେବ।
ନିଜ ଡ୍ରେସ୍ର ରଙ୍ଗ ଅନୁସାରେ ମ୍ୟାଚିଙ୍ଗ୍ କରି ଅଳଙ୍କାର ବାଛନ୍ତୁ। ସୁନ୍ଦର ଡିଜାଇନ୍ର ଓ୍ବାର୍କ ଚୁଡି ସାଙ୍ଗକୁ ଆର୍ଟିଫିସିଆଲ୍ ଜୁଏଲେରି ସେଟ୍ ଅଧିକ ସୁନ୍ଦର ଲାଗିବ। ତେବେ ନିଜ ଗେଟ୍ଅପ୍କୁ ଆହୁରି ଆଇକ୍ୟାଚି କରିବା ଲାଗି ଆପଣ ମାର୍କେଟ୍ରେ ମିଳୁଥିବା ଭଳିକି ଭଳି ଓ୍ବେଷ୍ଟ ବେଲ୍ଟ ବା କମର୍ ବନ୍ଧ ବି ବାଛି ପାରିବେ।
ଏହି ଗେଟ୍ଅପ୍ ମ୍ୟାଚି ଫୁଟ୍ଓ୍ବେର୍ ବିନା ଅଧୁରା। ତେଣୁ ଏହା ସହ ରାଜସ୍ତାନୀ ଜୁତି କିମ୍ବା ଏମ୍ବ୍ରୋଏଡୋରି ବା ସାଇନିଂ ଓ୍ବାର୍କ ଥିବା ହାଫ୍ସୁଜ୍ ପିନ୍ଧିପାରିବେ।