ଚୁଟିରେ ତେଲ ଲଗାଇବା ଦ୍ୱାରା ଚୁଟିମୂଳ ଶକ୍ତ ହେବା ସହ ମୁଣ୍ଡ ଥଣ୍ଡା ରୁହେ। ହେଲେ ଆପଣ ଜାଣନ୍ତିକି, ଅନେକେ ଭାବନ୍ତି ଶୀତଦିନେ କେଶରେ ଅଧିକ ତେଲ ଲଗାଇଲେ ଏବଂ କମ୍ ଧୋଇଲେ ଡ୍ରାଏନେସ୍ ଦୂର ହେବା ସହ ରୁପି ହେବ ନାହିଁ। ହେଲେ ଏହା ସମ୍ପୂର୍ଣ୍ଣ ଠିକ୍ ନୁହେଁ। କାରଣ ଅଧିକ ଦିନ କେଶମୂଳେ ତେଲ ରହିଲେ ଏହା ରୁପି ହେବାକୁ ପ୍ରଶ୍ରୟ ଦେଇଥାଏ। ତେଣୁ ଏହି ଦିନେ କେଶରେ ତେଲ ମସାଜ୍ କରିବା ସହ ସପ୍ତାହକୁ ୨ଥର ମୁଣ୍ଡ ସଫା କରନ୍ତୁ।
ରୁପି ଦୂରେଇବା ପାଇଁ ଆଲୋଭେରା ହେଉଛି ମହୌଷଧି ସଦୃଶ। ଏହାର ଆଣ୍ଟି ବ୍ୟାକ୍ଟେରିଆଲ୍ ଏବଂ ଆଣ୍ଟି ଫଙ୍ଗାଲ ଗୁଣ ଯୋଗୁ କେଶ ମୂଳେ ରୁପି ହେବାଠାରୁ ଦୂରେଇ ରଖେ ଏବଂ ଏହାକୁ ଝଡ଼ିବାକୁ ମଧ୍ୟ ଦିଏ ନାହିଁ।
ଓମେଗା-୩ ଫ୍ୟାଟି ଏସିଡ୍ଯୁକ୍ତ ଖାଦ୍ୟ ଖାଇବା ଦ୍ୱାରା ମଧ୍ୟ ଆମେ ରୁପିରୁ ରକ୍ଷା ପାଇପାରିବା। ଅନେକ ସମୟରେ ଅତ୍ୟଧିକ ରୂପି ହେବା ଯୋଗୁ ମୁଣ୍ଡ କୁଣ୍ଡେଇ ହୁଏ ଓ ଘା’ ହୋଇଯାଏ। ତେଣୁ, ଓମେଗା-୩ ଫ୍ୟାଟି ଏସିଯୁକ୍ତ ଖାଦ୍ୟ ଯଥା ସାଲମନ୍, ଟ୍ରଟ, ମାକେରେଲ୍ ଆଦି ମାଛ ଖାଆନ୍ତୁ, ଏହା ରୁପିକୁ ଦୂରେଇବା ପାଇଁ ବେଶ୍ ଉପଯୋଗୀ।
ଫଙ୍ଗାଲ୍ କିମ୍ବା ବ୍ୟାକ୍ଟେରିଆଲ୍ ଇମ୍ଫେକସନ୍ ହେଲେ ଅଧିକ ରୁପି ହୋଇଥାଏ। ସେଥିପାଇଁ କେଶ ଧୋଇଲା ବେଳେ ଦୁଇ ଡ୍ରପ୍ ‘ଟି ଟ୍ରି ଅଏଲ୍’କୁ ଶାମ୍ପୁରେ ମିଶାଇ ବ୍ୟବହାର କରନ୍ତୁ।
ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଉଛି, ଯଦି ଏସବୁ ଘରୋଇ ଉପଚାର ପରେ ରୁପି ସମସ୍ୟା ନ କମୁଛି; ତେବେ ଡାକ୍ତରଙ୍କ ପରାମର୍ଶ କ୍ରମେ ମେଡିକେଟେଡ୍ ଶ୍ୟାମ୍ପୁ ବ୍ୟବହାର କରନ୍ତୁ।
