ଓ୍ବାଶିଂଟନ/ନୂଆଦିଲ୍ଲୀ,୯।୫: ଶେଷରେ ବିପଦ ଟଳିଯାଇଛି। ଆତଙ୍କର ଅନ୍ତ ଘଟିଛି। ନିୟନ୍ତ୍ରଣ ହରାଇ ପୃଥିବୀ ମୁହାଁ ହୋଇଥିବା ଚାଇନାର ଜଳନ୍ତା ରକେଟ ଲଙ୍ଗ୍ ମାର୍ଚ୍ଚ ୫-ବି ରବିବାର ଭାରତ ମହାସାଗରରେ ରବିବାର ଭାରତୀୟ ସମୟ ପୂର୍ବାହ୍ନ ୧୦ଟା ୨୪ରେ ଖସି ପଡ଼ିଛି। ରକେଟ ପୃଥିବୀର ବାୟୁମଣ୍ଡଳରେ ପ୍ରବେଶ କରିବା ପରେ ଏହାକୁ ନଷ୍ଟ କରି ଦିଆଯାଇଥିବା ଆମେରିକା ଏବଂ ୟୁରୋପୀୟ ମହାକାଶ ଗବେଷଣା କେନ୍ଦ୍ର ପକ୍ଷରୁ ସୂଚନା ଦିଆଯାଇଛି। ଚାଇନାର ବହିର୍ବ୍ୟାପାର ମନ୍ତ୍ରଣାଳୟ ପକ୍ଷରୁ କୁହାଯାଇଥିଲା ଯେ, ରକେଟ ପୃଥିବୀର ବାୟୁମଣ୍ଡଳରେ ପ୍ରବେଶ କରିବା ମାତ୍ରେ ଏହାକୁ ଜଳାଇ ଦିଆଯିବ। ଏହା ଦ୍ୱାରା କ୍ଷୟକ୍ଷତି ଆଶଙ୍କା କମ୍ ହେବ ବୋଲି ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଥିଲା। ମାଳଦ୍ୱୀପର ନିକଟବର୍ତ୍ତୀ ଭାରତ ମହାସାଗରର ଗର୍ଭରେ ୨.୬୫ ଉତ୍ତର ଅକ୍ଷାଂଶ ଏବଂ ୭୨.୪୭ ପୂର୍ବ ଦ୍ରାଘିମା ଅଞ୍ଚଳରେ ଜଳନ୍ତା ରକେଟର ଖଣ୍ଡ ବିଖଣ୍ଡିତ ଅଂଶ ବିଶେଷ ଖସି ପଡ଼ିଥିବା ଚାଇନା ମ୍ୟାନ୍ଡ୍ ସ୍ପେସ୍ ଇଞ୍ଜିନିୟରିଂ ଅଫିସ୍ (ସିଏମ୍ଏସ୍ଇଓ) ପକ୍ଷରୁ କୁହାଯାଇଛି।
