ହନୋଇ,୩୦।୫: କରୋନା ମହାମାରୀ ସଂକ୍ରମଣ ଥମିବାର ନାଁ ଧରୁନି। ଦ୍ୱିତୀୟ ଲହର ବିପଦ ପରେ ପୁଣି ବିପଦ ମାଡ଼ି ଆସୁଛି। କରୋନାର ନୂଆ ଭାରିଆଣ୍ଟ୍ ଏବେ ଆତଙ୍କ ସୃଷ୍ଟି କରୁଛି। ଭିଏତ୍ନାମ୍ରେ କରୋନାର ଏକ ନୂଆ ଭାରିଆଣ୍ଟ୍ ଚିହ୍ନଟ ହୋଇଛି। ଏନେଇ ଶନିବାର ସ୍ଥାନୀୟ ସରକାରଙ୍କ ପକ୍ଷରୁ ସୂଚନା ଦିଆଯାଇଛି। ଏହି ନୂଆ ଭାରିଆଣ୍ଟ ତୀବ୍ର ବେଗରେ ବାୟୁରେ ବ୍ୟାପିବ ବୋଲି ଭିଏତ୍ନାମ୍ର ସ୍ବାସ୍ଥ୍ୟମନ୍ତ୍ରୀ ନଗୁୟେନ୍ ଥାନ୍ହ ଲଙ୍ଗ୍ ପ୍ରକାଶ କରିଛନ୍ତି। ବ୍ରିଟେନ୍ ଏବଂ ଭାରତରେ ଦେଖାଦେଇଥିବା ଭାରିଆଣ୍ଟର ଏହା ଏକ ପ୍ରକାର ହାଇବ୍ରିଡ୍ ଭାରିଆଣ୍ଟ୍। ୨୦୨୧ ଏପ୍ରିଲ୍ଠାରୁ ଭିଏତ୍ନାମ୍ରେ ଏହି ନୂଆ ଭାରିଆଣ୍ଟ୍ ଯୋଗୁ ୬,୮୫୬ ଜଣ ଆକ୍ରାନ୍ତ ହୋଇଥିବାବେଳେ ୪୭ ଜଣଙ୍କ ମୃତ୍ୟୁ ଘଟିଛି। ଭିଏତ୍ନାମ୍ରେ ପୂର୍ବରୁ ବି-୧-୨୨୨, ବି-୧-୬୧୯, ଡି-୬୧୪-ଜି ଏବଂ ବି-୧-୧-୭ ଆଦି ବ୍ରିଟେନ୍ ଭାରିଆଣ୍ଟ୍ ଚିହ୍ନଟ ହୋଇଥିଲା। ସେହିପରି ଦେଶରେ ବି-୧-୩୫୧, ଏ-୨୩-୧ ଏବଂ ବି-୧-୬୧୭-୨ ଆଦି ଭାରତୀୟ ଭାରିଆଣ୍ଟ୍କୁ ମଧ୍ୟ ଚିହ୍ନଟ କରାଯାଇଥିଲା। ତେବେ ଖୁବ୍ ଶୀଘ୍ର ନୂଆ ଭାରିଆଣ୍ଟ୍ର ଜିନୋମ୍ ଡାଟା ପ୍ରକାଶ କରାଯିବ ବୋଲି ନଗୁୟେନ୍ ସୂଚନା ଦେଇଛନ୍ତି।