ଦାରିଙ୍ଗବାଡ଼ି,୫।୮(ଡି.ଏନ୍.ଏ): କନ୍ଧମାଳ ଜିଲାରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି । ଜିଲାର ବିଭିନ୍ନ ବ୍ଲକରେ ଏହି ସଂଖ୍ୟା ବୃଦ୍ଧି ପାଉଥିବା ବେଳେ ଦାରିଙ୍ଗବାଡ଼ି ବିଡିଓ ମଧ୍ୟ କରୋନାରେ ଆକ୍ରାନ୍ତ ହୋଇଛନ୍ତି। ଏହା ସହ ବୁଧବାର ଜିଲାରୁ ୨୦ ଜଣ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ୧୨ ଜଣ କେବଳ ଦାରିଙ୍ଗବାଡ଼ିର ବୋଲି କନ୍ଧମାଳ ଜିଲାପାଳ ଡ. ବୃନ୍ଦା ଡି. ଟୁଇଟ କରି କହିଛନ୍ତି। ସେହିଭଳି ତୁଡ଼ୁକିବାଡ଼ି ସାହିର ୭, ବ୍ରାହ୍ମଣୀଗାଁ ଅଞ୍ଚଳର ୨ଜଣ ରହିଛନ୍ତି। ସେମାନଙ୍କ ମଧ୍ୟରେ ଜଣେ ଅଙ୍ଗନାୱାଡି କର୍ମୀ ଏବଂ ୬୦ ବର୍ଷର ବୃଦ୍ଧ ରହିଛନ୍ତି । ସୂଚନାଯୋଗ୍ୟ, ବିଡିଓଙ୍କ ଠାରେ ଲକ୍ଷଣ ଦେଖାଯିବା ପରେ ୨୮ ତାରିଖରେ ପଞ୍ଚାୟତ ସମିତିକୁ ବନ୍ଦ କରିଦିଆଯିବା ସହ ସମସ୍ତ କର୍ମଚାରୀଙ୍କୁ ହୋମ କ୍ୱାରାଣ୍ଟାଇନରେ ରହିବାକୁ ପରାମର୍ଶ ଦିଆଯାଇଥିଲା।
