ଦାରିଙ୍ଗବାଡ଼ି,୮।୧୨(ଡି.ଏନ୍.ଏ): କେନ୍ଦ୍ର ସରକାରଙ୍କ କୃଷି ଆଇନ ପ୍ରତ୍ୟାହାର ଦାବିରେ ମଙ୍ଗଳବାର ଭାରତ ବନ୍ଦ ଡାକରା ଦିଆଯାଇଛି। ଏହାର ପ୍ରଭାବ କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ଦେଖିବାକୁ ମିଳିଛି । ଅଞ୍ଚଳର ବ୍ରାହ୍ମଣୀଗାଁ, କାଟିଙ୍ଗିଆ ସମେତ ସିମନବାଡ଼ି ଆଦି ଅଞ୍ଚଳରୁ ବିଭିନ୍ନ ସ୍ଥାନ ତଥା ଫୁଲବାଣୀ, ବ୍ରହ୍ମପୁର, ଭଞ୍ଜନଗର, ଭରବଙ୍କନଶ୍ୱର ଆଦି ଅଞ୍ଚଳକୁ ଗାଡ଼ି ଚଳାଚଳ ସମ୍ପୁର୍ଣ୍ଣ ବନ୍ଦ ହୋଇଯାଇଛି । ସେହିପରି ବ୍ୟାଙ୍କ ପ୍ରତିଷ୍ଠାନ ସମେତ ସରକାରୀ, ବେସରକାରୀ କାର୍ଯ୍ୟାଳୟ ଗୁଡକ଼ି ମଧ୍ୟ ବନ୍ଦ ରହିଛି । ବିଭିନ୍ନ ବ୍ୟବସାୟ ପେଣ୍ଠ ସ୍ଥଳରେ ଦୋକାନ ବଜାରଗୁଡ଼ିକ ବନ୍ଦ ଯୋଗୁ ଲୋକେ ନାହିଁ ନ ଥିବା ଅସୁବିଧାରେ ସମ୍ମୁଖୀନ ହେଉଛନ୍ତି।
