ଖଲ୍ଲିକୋଟ,୨୦ା୧୦(ପ୍ରଶାନ୍ତ କୁମାର ମିଶ୍ର): ଗଞ୍ଜାମ ଜିଲା ଖଲ୍ଲିକୋଟ ବ୍ଲକ ଅନ୍ତର୍ଗତ ଶ୍ରୀକୃଷ୍ଣ ଶରଣପୁର ଗ୍ରାମରେ ଶୁକ୍ରବାର ଅପରାହ୍ନରେ ବିଦ୍ୟୁତ ଆଘାତରେ ଗୋଟିଏ ପରିବାରର ଦୁଇ ମୃତ ଏବଂ ଜଣେ ଗୁରୁତର ହୋଇ ବ୍ରହ୍ମପୁର ମେଡିକାଲରେ ଭର୍ତ୍ତି ହୋଇଛନ୍ତି।
ସୂଚନାନୁଯାୟୀ, ଉକ୍ତ ଗ୍ରାମର ଭଗି ନାହାକ(୬୮)ଙ୍କ ନୂତନ ଗୃହ ନିର୍ମାଣ ହେଉଥିବା ବେଳେ ଲୁହା ଛଡ଼ଗୁଡିକ ବାହାର କରିବା ସମୟରେ ନିକଟରେ ବିପଦପୂର୍ଣ୍ଣ ଭାବେ ଥିବା ବିଦ୍ୟୁତ୍ ସଂଯୋଗରେ ପ୍ରଥମେ ଭଗିଙ୍କ ଝିଅ ନିବାସୀ ପାହାନ(୪୨) ଲାଗି ଯାଇଥିଲେ। ତାଙ୍କୁ ଛଡ଼ାଇବାକୁ ଯାଇ ନିବାସୀଙ୍କ ପୁଅ ଜିତୁ (୨୪)ଙ୍କୁ କରେଣ୍ଟ ଲାଗିଥିଲା। ପରେ ପାଟି ଶୁଣି ଝିଅ ଏବଂ ନାତିଙ୍କୁ ଉଦ୍ଧାର କରିବା ପାଇଁ ଆସି ବିଦ୍ୟୁତ୍ ଝଟକା ଖାଇଥିଲେ। ପରେ ପଡ଼ୋଶୀ ଆସି ସେମାନଙ୍କୁ ଉଦ୍ଧାର କରି ଖଲ୍ଲିକୋଟ ମେଡ଼ିକାଲ ପଠାଇଥିଲେ। ଡାକ୍ତର ମା’ ଏବଂ ପୁଅକୁ ମୃତ ଘୋଷଣା କରିଥିବା ବେଳେ ଭଗିଙ୍କୁ ବ୍ରହ୍ମପୁର ପଠାଯାଇଛି। ଘଟଣାସ୍ଥଳରେ ପୋଲିସ ପହଞ୍ଚି ଅନୁସନ୍ଧାନ ଜାରି ରଖିଛି।