ପିତାଙ୍କ ମୃତଦେହ ନିକଟରେ ଜଣେ ଯୁବତୀ ନେକେଡ୍ ବା ନଗ୍ନ ଫଟୋ ଶୁଟ୍ କରି ଚର୍ଚ୍ଚାକୁ ଆସିଛନ୍ତି। ଏହା ସତ୍ତ୍ୱେ ଯୁବତୀ ଜଣକ କହିଛନ୍ତି, ମୁଁ କିଛି ଭୁଲ୍ କରି ନାହିଁ। ଆଜି ଯଦି ମୋ’ ପିତା ବଞ୍ଚିଥାନ୍ତେ ସେ ନିଶ୍ଚିତ ଖୁସି ହୋଇଥାନ୍ତେ।
ଆମେରିକାର ଫ୍ଲୋରିଡାର ୨୦ ବର୍ଷୀୟା ମଡେଲ ଜେନେ ରେବେରା ଏକ କଳା ରଙ୍ଗର ଡ୍ରେସ୍ ପିନ୍ଧି ତାଙ୍କ ପିତାଙ୍କ ମୃତଦେହ ନିକଟରେ ଗ୍ଲାମରସ ପୋଜ୍ରେ ଫଟୋ ଦେଇଛନ୍ତି। ଖାଲି ଏତିକି ନୁହେଁ, ସେ ଫଟୋ ଉଠାଇ ନିଜ ଇନ୍ଷ୍ଟାଗ୍ରାମ ପେଜ୍ରେ ଶେୟାର ବି କରିଛନ୍ତି। ଏହା ପରେ ସେ ଟ୍ରୋଲ୍ ହେବାରେ ଲାଗିଛନ୍ତି। ୟୁଜରଙ୍କ ଉତ୍ତରରେ ରେବେରା କହିଛନ୍ତି, ମଁୁ ଯାହା ବି ପୋଷ୍ଟ କରିଛି କିଛି ଭୁଲ କରିନାହିଁ। ମୁଁ ଏଥିରେ କାଏମ ଅଛି। ଆଜି ଯଦି ମୋ ପିତା ବଞ୍ଚିଥାନ୍ତେ ସେ ମୋ ଏପରି କ୍ୟାରିୟରକୁ ନେଇ ଗର୍ବ କରିଥାନ୍ତେ। ସେ କହିଛନ୍ତି, ମୁଁ ଭଲ ଭାବେ ଭାବିଚିନ୍ତି ଫଟୋ ଉଠାଇଛି। ଏଥିରେ ଯଦି କାହାର ଅସୁବିଧା ହେଉଛି ମୋର କିଛି ନାହିଁ। ମୁଁ ମୋ ତରିକାରେ ଉଠାଇଛି। ମୋ ପିତା ଥିଲେ ମୋ କାମର ପ୍ରଶଂସା କରିଥାନ୍ତେ।
ଗତ ୧୧ ତାରିଖରେ ରେବେରାଙ୍କ ପିତାଙ୍କ ନିଧନ ହୋଇଥିଲା। ଏହି ସମୟରେ ସେ ଏକ କଳା ରଙ୍ଗର ଡ୍ରେସ୍ ପିନ୍ଧି ଫଟୋ ପୋଜ୍ ଦେଇଥିଲେ। ଯେଉଁଥିରେ ତାଙ୍କର ତିଳେମାତ୍ର ଦୁଃଖ ନ ଥିଲା। ସେ ମେକ୍ଅପ୍ ବି ନେଇଥିଲେ। ପରେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଥିଲେ। ତାଙ୍କର ଏପରି କାର୍ଯ୍ୟକଳାପ ଦେଖି ରାଗି ଯାଇଥିଲେ ୟୁଜର। ଜଣେ ୟୁଜର ଲେଖିଛନ୍ତି, ଘୃଣିତ। ସେହିପରି ଆଉ ଜଣେ ୟୁଜର ଲେଖିଛନ୍ତି ‘ସମ୍ବେଦନହୀନତା’। ଅନ୍ୟ ଜଣେ ୟୁଜର ଲେଖିଛନ୍ତି, ଦୁଃଖ ନାହିଁ କି ଅନୁଶୋଚନା ନାହିଁ। ଏମିତି ଅନେକ ୟୁଜର ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି। ଯାହା ଖୁବ୍ ଭାଇରାଲ ହେଉଛି।
