ଜୁନାଗଡ଼,୨୨।୧୦(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ଼ ଥାନା ଅଞ୍ଚଳରେ ଜଣେ ବୋହୂ ତାଙ୍କ ଶାଶୁଙ୍କୁ ବିଷ ଦେଇ ହତ୍ୟା କରିଥିବା ଅଭିଯୋଗ ହୋଇଛି। ଔଷଧ ଦୋକାନୀ ଏବଂ ମହିଳାଙ୍କ ମଧ୍ୟରେ ବିଷ ବାବଦାରେ ହୋଇଥିବା ଫୋନ କଲ୍ର ଅଡିଓ ଭାଇରାଲ ହେବା ପରେ ସାମ୍ନାକୁ ଆସିଛି ସୁପରିକଳ୍ପିତ ଏହି ହତ୍ୟାକାଣ୍ଡ।
ଅଡିଓ ରେକର୍ଡରେ ମହିଳା ଜଣକ ତାଙ୍କ ଶାଶୁଙ୍କୁ ହତ୍ୟା କରିବା ପାଇ ଔଷଧ ଦୋକାନୀଙ୍କୁ ବିଷ ଅଛିକି ବୋଲି ପଚାରିଥିଲେ। ତେବେ ଦୋକାନୀ ଜଣକ କହିଥିଲେ, ସକାଳେ କଥା ହେବା। ଆଣ୍ଟି ଡୋଜ ମେଡିସିନ ଦେବି। ପରେ ମହିଳା କହିଥିଲେ ଏ ବିଷୟରେ ସ୍ବାମୀଙ୍କୁ କିଛି କହିବ ନାହିଁ। ପରବର୍ତ୍ତୀ ସମୟରେ ବୃଦ୍ଧାଙ୍କୁ ମୃତ୍ୟୁ ହୋଇଥିବା ଜଣାପଡିଛି। ବୃଦ୍ଧାଙ୍କ ମୃତ୍ୟୁ ଘଟଣାରେ ମହିଳା ଓ ଦୋକାନୀଙ୍କ ଉପରେ ସନ୍ଦେହ କରାଯାଉଛି। ଅନ୍ୟପକ୍ଷେ ଘଟଣାର ତଦନ୍ତ କରିବାକୁ ସ୍ଥାନୀୟ ଲୋକେ ଦାବି କରିଛନ୍ତି।
