ପ୍ରୟାଗରାଜ,୧୯।୪ : ଏପ୍ରିଲ ୧୫ ତାରିଖ ରାତିରେ ପୋଲିସ ହେପାଜତରେ ଗୁଳି ଚଳାଇ ହତ୍ୟା କରାଯାଇଥିବkା ମାଫିଆ-ରାଜନେତା ଅତିକ ଅହମ୍ମଦଙ୍କ ୫୧ ବର୍ଷିୟା ସ୍ତ୍ରୀ ଶାହିସ୍ତା ପରଓ୍ବିନ ବର୍ତ୍ତମାନ ଉତ୍ତରପ୍ରଦେଶ ପୋଲିସର ମୋଷ୍ଟ ଓ୍ବାଣ୍ଟେଡ ତାଲିକାରେ ଅଛନ୍ତି। ଯେକେହି ଅତିକଙ୍କ ଅପରାଧ ଜଗତର ରାଣୀଙ୍କ ବିଷୟରେ କୌଣସି ସୂଚନା ଦେବେ ତାଙ୍କୁ ୫୦ ହଜାର ଟଙ୍କାର ପୁରସ୍କାର ପ୍ରଦାନ କରାଯିବ ବୋଲି ଘୋଷଣା କରାଯାଇଛି। ମାତ୍ର ଦୁଇ ଦିନ ମଧ୍ୟରେ ଶାହିସ୍ତା ତାଙ୍କ ପୁଅ ଆସାଦ ଏବଂ ସ୍ବାମୀ ଅତିକଙ୍କୁ ହରାଇଥିଲେ।
ଏପ୍ରିଲ ୧୩ ରେ, ପୋଲିସର ଏନକାଉଣ୍ଟରରେ ଅସଦଙ୍କୁ ହତ୍ୟା କରାଯିବାର ଦୁଇ ଦିନ ପରେ, ଚିକିତ୍ସା ପାଇଁ ନିଆଯାଉଥିବା ବେଳେ ପ୍ରୟାଗରସ୍ଥିତ ମୋତି ଲାଲ ନେହେରୁ ଡିଭିଜନାଲ ହସ୍ପିଟାଲ (କାଲିଭିନ ହସ୍ପିଟାଲ) ବାହାରେ ଅତିକ ଏବଂ ତାଙ୍କ ଭାଇ ଶଶ୍ରଫଙ୍କୁ ଗୁଳି କରି ହତ୍ୟା କରାଯାଇଥିଲା। କଳ୍ପନା ଜଳ୍ପନା ଥିଲା ଯେ ଶାହିସ୍ତା ଅତିକଙ୍କ ଅନ୍ତିମ ସଂସ୍କାରରେ ଆତ୍ମସମର୍ପଣ କରିବେ, କିନ୍ତୁ ସେ ଏପର୍ଯ୍ୟନ୍ତ ଫେରାର ଅଛନ୍ତି।
ଶାହିସ୍ତାଙ୍କ ପିତା ପୋଲିସରେ ଥିଲେ। ୧୯୯୬ମସିହାରେ ସେ ଅତିକଙ୍କୁ ବିବାହ କରିବା ପୂର୍ବରୁ ତାଙ୍କ ଜୀବନ ଶୈଳୀ ସମ୍ପୂର୍ଣ୍ଣ ଭିନ୍ନ ଥିଲା। ସେ ଦ୍ୱାଦଶ ପର୍ଯ୍ୟନ୍ତ ଅଧ୍ୟୟନ କରିଛନ୍ତି । ଅତିକଙ୍କ ସ୍ତ୍ରୀ ହେବା ପୂର୍ବରୁ ତାଙ୍କର କୌଣସି ବେଆଇନ କାର୍ଯ୍ୟକଳାପ ସହିତ ସମ୍ପର୍କ ନ ଥିଲା ।
ବର୍ତ୍ତମାନ ତାଙ୍କ ନାମରେ ପ୍ରୟାଗରାଜରେ ୪ ଟି ମାମଲା ପଞ୍ଜିକୃତ ହୋଇଛି। ସେଥିମଧ୍ୟରେ ୩ ଠକେଇ ଏବଂ ଗୋଟିଏ ହତ୍ୟା ମାମଲା ରହିଛି। ପ୍ରଥମ ୩ ମାମଲା୨୦୦୯ ରେ କର୍ନେଲଗଞ୍ଜ ପୋଲିସ ଷ୍ଟେଶନରେ ପଞ୍ଜୀକୃତ ହୋଇଥିଲା। ଧାରା ୪୨୦ (ପ୍ରତାରଣା), ୪୬୭ (ଜାଲିଆତି), ୪୬୮ (ପ୍ରତାରଣାର ଉଦ୍ଦେଶ୍ୟରେ ଜାଲିଆତି) ଏବଂ ଅସ୍ତ୍ରଶସ୍ତ୍ର ଅଧିନିୟମର ୪୭୧ (ଜାଲ ଡକ୍ୟୁମେଣ୍ଟ ବ୍ୟବହାର) ଧାରା ୩୦ ( ଅସ୍ତ୍ରଶସ୍ତ୍ର ଲାଇସେନ୍ସ କିମ୍ବା ନିୟମ ଉଲ୍ଲଂଘନ) ଆଦି ମାମଲା ରହିଛି।
ଉମେଶ ପାଲ ହତ୍ୟା ମାମଲା ପରେ ଏହି ହତ୍ୟା ମାମଲା ରୁଜୁ ହୋଇଛି। ଉମେଶ ପାଲ ହତ୍ୟା ମାମଲାରେ ଶାହିସ୍ତା ମୁଖ୍ୟ ଅଭିଯୁକ୍ତମାନଙ୍କ ମଧ୍ୟରୁ ଅନ୍ୟତମ। ଶାହିସ୍ତା ୨୦୨୧ ରେ ଆସାଦୁଦ୍ଦିନ ଓୱାଇସିଙ୍କ ପାର୍ଟି ଏଆଇଏମଆଇଏମରେ ଯୋଗ ଦେଇଥିଲେ। ଜାନୁଆରୀ ୨୦୨୩ରେ, ସେ ବିଏସପିରେ ଯୋଗ ଦେଇଥିଲେ। ଯେତେବେଳେ ଶାହିସ୍ତା ବିଏସପିରେ ଯୋଗ ଦେଇଥିଲେ, ସେତେବେଳେ ସେ କହିଥିଲେ, ଏସପି ସୁପ୍ରିମୋ ମୁଲାୟମ ସିଂ ଯାଦବଙ୍କ ସହ ତାଙ୍କର ବନ୍ଧୁତା ଯୋଗୁ ମୋ ସ୍ବାମୀ ଅତିକ ଅନୁଶାସନ ଶିଖିପାରିଲେ ନାହିଁ। ମୋ ସ୍ବାମୀ ସର୍ବଦା ବିଏସପିକୁ ପସନ୍ଦ କରୁଥିଲେ ଏବଂ ଦଳର ଶୀର୍ଷ ନେତାମାନଙ୍କୁ ମଧ୍ୟ ସାହାଯ୍ୟ କରୁଥିଲେ ।
ତେବେ ଉମେଶ ପାଲ ହତ୍ୟା ମାମଲାରେ ତାଙ୍କ ନାମ ପଦାକୁ ଆସିବା ପରେ ମାୟାବତୀ ମେୟର ନିର୍ବାଚନରେ ଶାହିସ୍ତାଙ୍କୁ ପ୍ରୟାଗରାଜ ନିର୍ବାଚନରେ ସ୍ଥାନ ନଦେବାକୁ ନିଷ୍ପତ୍ତି ନେଇଥିଲେ। ପୋଲିସର ରିପୋର୍ଟରେ କୁହାଯାଇଛି, ଉମେଶ ପାଲଙ୍କ ହତ୍ୟା ଯୋଜନା ତଥା କାର୍ଯ୍ୟକାରୀର ଏକ ଅଂଶ ଶାହିସ୍ତା ଥିଲେ। ଯେତେବେଳେ ଅତିକ ଜେଲରେ ଥିଲେ, ଶାହିସ୍ତା ତାଙ୍କ ସିଣ୍ଡିକେଟ ଚଳାଇବାରେ ସକ୍ରିୟ ଭୂମିକା ଗ୍ରହଣ କରିଥିଲେ ।
ଏହି ଗ୍ୟାଙ୍ଗରେ ଶାହିସ୍ତା ଗଡ଼ ମଦର ଭାବରେ ଜଣାଶୁଣା।
ପୋଲିସ ଶାହିସ୍ତାଙ୍କୁ ଖୋଜୁଥିବା ବେଳେ ରିପୋର୍ଟରେ ଦର୍ଶାଯାଇଛି, ତାଙ୍କୁ ଖୋଜିବା ବର୍ତ୍ତମାନ ଏକ କଷ୍ଟସାଧ୍ୟ କାର୍ଯ୍ୟ ହୋଇପାରେ। କାରଣ ସ୍ବାମୀ ଅତିକଙ୍କ ମୃତ୍ୟୁ ପରେ ସେ ରୀତିନୀତି ପାଳନ କରିବେ, ଏହି ସମୟ ମଧ୍ୟରେ ତାଙ୍କୁ କାହାକୁ ଭେଟିବାକୁ ଦିଆଯିବ ନାହିଁ। ଏପରି ପରିସ୍ଥିତିରେ, ସେ କେଉଁଠାରେ ଅଛନ୍ତି ତାହା ଖୋଜିବା ଏକ କଷ୍ଟସାଧ୍ୟ କାର୍ଯ୍ୟ ହୋଇପାରେ। ପୋଲିସ ସନ୍ଦେହ କରୁଥିଲା, ସେ ବୁର୍ଖା ପିନ୍ଧି ତାଙ୍କ ପୁଅ ଅସଦଙ୍କ ଅନ୍ତିମ ସଂସ୍କାରକୁ ଗୁପ୍ତରେ ଆସିପାରନ୍ତି, କିନ୍ତୁ ସେ ତାହା କରି ନ ଥିଲେ।
