ଅଷ୍ଟ୍ରେଲିଆର ବିସ୍ଫୋରକ ଓପନର୍ ଡେଭିଡ୍ ଓ୍ବାର୍ନର ଜଣେ ପ୍ରସିଦ୍ଧ କ୍ରିକେଟର୍ ଭାବେ ଜଣାଶୁଣା। ଏହା ବାଦ୍ ସେ ଜଣେ ଏଣ୍ଟରଟେନର୍ ଭାବେ ମଧ୍ୟ ଖ୍ୟାତି ଅର୍ଜନ କରିଛନ୍ତି। ସୋସିଆଲ ମିଡିଆରେ ମଜାଳିଆ ଭିଡିଓ ଶେୟାର କରି ସେ ବେଶ୍ ଚର୍ଚ୍ଚାରେ ଥାନ୍ତି। ଏବେ ଆଫଗାନିସ୍ତାନ କ୍ରିକେଟର୍ ରଶିଦ ଖଶନ୍ ପଦାଙ୍କ ଅନୁସରଣ କରିଛନ୍ତି। ରଶିଦ୍ ନିଜ ଅଫିସିଆଲ୍ ଇନ୍ଷ୍ଟାଗ୍ରାମରେ ଏକ ଭିଡିଓ ଶେୟାର କରିଛନ୍ତି। ଏହି ଭିଡିଓରେ ରଶିଦ୍ଙ୍କୁ ବାହୁବଳୀ ଅନ୍ଦାଜରେ ଦେଖିବାକୁ ମିଳିଛି। ସୁପରହିଟ୍ ଫିଲ୍ମ ବାହୁବଳୀ ସିନ୍ରେ ରଶିଦ୍ ଅଭିନେତା ପ୍ରଭାସଙ୍କ ସ୍ଥାନରେ ନିଜ ଫଟୋ ଲଗାଇ ଦେଇଛନ୍ତି। ଏହି ଫଟୋ ଶେୟାର କରି ପ୍ରଶଂସକଙ୍କ ଏହି ଅଭିନେତା ଜଣଙ୍କ କିଏ ବୋଲି ପ୍ରଶ୍ନ କରିଛନ୍ତି। ରଶିଦଙ୍କ ଏହି ଭିଡିଓରେ ଡେଭିଡ ଓ୍ବାର୍ନର ମଜାଦାର କମେଣ୍ଟ କରିଛନ୍ତି। ସେ ଲେଖିଛନ୍ତି ତୁମେ ମୋ ଚେହେରା ଚୋରାଇ ନେଇଛ। ସୂଚନାଯୋଗ୍ୟ, ଓ୍ବାର୍ନ ଏବଂ ରଶିଦ୍ ଆଇପିଏଲ୍ରେ ଗୋଟିଏ ଟିମ୍ ସନରାଇଜର୍ସ ପକ୍ଷରୁ ଖେଳନ୍ତି।