ଆବୁଧାବି,୯।୧୧: ଆଇପିଏଲ୍ ୨୦୨୦ର କ୍ୱାଲିଫାୟାର-୨ରେ ଦିଲ୍ଲୀ କ୍ୟାପିଟାଲ୍ସ ସନରାଇଜର୍ସ ହାଇଦ୍ରାବାଦକୁ ପରାସ୍ତ କରିଛି। ଫଳରେ ଦଳର ଚଳିତ ଆଇପିଏଲ୍ ଅଭିଯାନ ଶେଷ ହୋଇଛି। ପରାଜୟରେ ଅଧିନାୟକ ଡେଭିଡ ୱାର୍ନର ଖେଳାଳିଙ୍କ ଉପରେ ରାଗିଯାଇଛନ୍ତି। ସେ କହିଛନ୍ତି ଯେ, କ୍ରମାଗତ କ୍ୟାଚ ଛାଡୁଥିବା କୌଣସି ଦଳ ଟୁର୍ନାମେଣ୍ଟ ଜିତି ପାରିବେ ନାହିଁ। ମୁଁ ଭାବୁଛି ବୋଲିଂ ଏବଂ ବ୍ୟାଟିଂରେ ଖରାପ ଆରମ୍ଭ ପରେ ଆମେ ପ୍ରତ୍ୟାବର୍ତ୍ତନ କରିଥିଲୁ କିନ୍ତୁ ଫିଲ୍ଡିଂରେ ଆମର ମନୋଭାବ ହାରିଯାଇଥିଲା। ଏହି ମ୍ୟାଚରେ ସନରାଇଜର୍ସ ଦଳ ୩ଟି କ୍ୟାଚ ଛାଡିଥିଲା। ଦିଲ୍ଲୀ ଓପନର୍ ମାର୍କସ ଷ୍ଟୋଇନିସ ଏବଂ ଶିଖର ଧାୱନଙ୍କ କ୍ୟାଚ ମିସ ହୋଇଥିବାବେଳେ କିଛି ସହଜ ରନ ମଧ୍ୟ ଦିଆଯାଇଥିଲା। ଦିଲ୍ଲୀ ଏହାର ସୁଯୋଗ ନେଇ ତୃତୀୟ ଉଇକେଟ ପାଇଁ ୧୮୯ ରନ ସଂଗ୍ରହ କରିଥିଲା। ଏହାର ଜବାବରେ ସନରାଇଜର୍ସ ୮ ଉଇକେଟ ହରାଇ ୧୭୨ ରନ ସ୍କୋର କରିବାରେ ସକ୍ଷମ ହୋଇଥିଲା। ଇଂନିଶର ତୃତୀୟ ଓଭରରେ ଷ୍ଟୋଇନିସଙ୍କ କ୍ୟାଚ ମିସ ହୋଇଥିଲା। ସେତେବେଳେ ସେ ମାତ୍ର ୩ ରନ ସ୍କୋର କରି ଖେଳୁଥିଲେ। ଶ୍ରେୟସ ଆୟରଙ୍କ କ୍ୟାଚ ୨୧ ସ୍କୋରରେ ମିସ୍ ହୋଇଥିଲା। ଧାୱନଙ୍କ ସହଜ କ୍ୟାଚ ରସିଦ ଖାନ ଛାଡିଥିଲେ। ଏହା ବ୍ୟତୀତ ସନରାଇଜର୍ସ ଓଭର ଥ୍ରୋରେ ମଧ୍ୟ ରନ ଦେଇଥିଲେ। ରବିବାର ଦିଲ୍ଲୀ କ୍ୟାପିଟାଲ୍ସ କ୍ୱାଲିଫାୟର୍-୨ରେ ସନରାଇଜର୍ସକୁ ୧୭ ରନରେ ପରାସ୍ତ କରି ଆଇପିଏଲ ଫାଇନାଲରେ ପ୍ରବେଶ କରିଛି। ଫାଇନାଲରେ ମୁମ୍ବାଇ ଇଣ୍ଡିଆନ୍ସ ସହିତ ମୁହାଁମୁହିଁ ହେବ ଦିଲ୍ଲୀ।