ଅଷ୍ଟ୍ରେଲିଆ କ୍ରିକେଟର୍ ଡେଭିଡ୍ ଓ୍ବାର୍ନର ସୋସିଆଲ ମିଡିଆରେ ବେଶ୍ ସକ୍ରିୟ ରୁହନ୍ତି। ସେ ଟିକ୍ଟକ୍ରେ ଭିଡିଓ କରି ନିଜ ସୋସିଆଲ ଆକାଉଣ୍ଟରେ ଶେୟାର କରିଥାନ୍ତି। ସେ ବେଳେବେଳେ ଭାରତୀୟ ଅଭିନେତାଙ୍କ ନକଲ କରିଥାନ୍ତି। ବ୍ୟସ୍ତବହୁଳ ଜୀବନରୁ ସମୟ ବାହାର କରି ସେ ବଲିଉଡ୍ ଗୀତ ଏବଂ ଡାଏଲଗ୍ ସହ ଭିଡିଓ ଶେୟାର କରନ୍ତି। ନିକଟରେ ସେ ବଲିଉଡ୍ ଗୀତରେ ଭିଡିଓ ଶେୟାର କରି ଚର୍ଚ୍ଚାକୁ ଆସିଛନ୍ତି। ଫିଲ୍ମ ଦିଲ୍ ହୈ ତୁମ୍ହାରାର ଗୀତ ଦିଲ୍ ଲଗା ଲିୟା ହୈ ମେନେ ତୁମ୍ସେ ପ୍ୟାର୍ କର୍କେ’ର ଡ୍ୟାନ୍ସ ଭିଡିଓ ଶେୟାର କରିଛନ୍ତି। ଏହି ଫିଲ୍ମରେ ପ୍ରିତି ଜିଣ୍ଟା ଅଭିନୟ କରିଥିଲେ। ଭିଡିଓରେ ଓ୍ବାର୍ନର ପ୍ରିତି ଜିଣ୍ଟାଙ୍କ ଚେହେରା ଉପରେ ସ୍ତ୍ରୀ କ୍ୟାଣ୍ଡିସ୍ ଓ୍ବାର୍ନରଙ୍କ ଚେହେରା ଲଗାଇ କହିଛନ୍ତି, କ୍ୟାଣ୍ଡିସ୍ ଓ୍ବାର୍ନର ଏଠାରେ କିଏ ଅଛନ୍ତି, ମୋ ସ୍ତ୍ରୀ ଜାଣିଲେ ମୋତେ ମାରିବେ ବୋଲି ସେ କହିଛନ୍ତି। ଏହା ପୂର୍ବରୁ ଓ୍ବାର୍ନର ଇନ୍ଷ୍ଟାଗ୍ରାମରେ ଅଭିନେତା ବଚ୍ଚନ, ପ୍ରଭାଷ, ବହଳିଉଡ୍ର ପ୍ରସିଦ୍ଧ ଅଭିନେତା ଓ୍ବିନ୍ ଡିଜଲ, ଅଜୟ ଦେବଗନ, ରଜନୀକାନ୍ତ ଏବଂ ହ୍ରିତିକ୍ ରୋଶନ୍ ଭଳି ବଡ ଅଭିନେତାଙ୍କ ରୂପରେ ଭିଡିଓ କରି ଶେୟାର କରିଥିଲେ। ପ୍ରଶଂସକ ଓ୍ବାର୍ନରଙ୍କ ଭିଡିଓକୁ ମଧ୍ୟ ବେଶ୍ ପସନ୍ଦ କରିଛନ୍ତି।