କ୍ରିକେଟ ପଡ଼ିଆରେ ବ୍ୟାଟ୍ସମ୍ୟାନ୍ ଛକା ମାରିକା ଏକ ସାଧାରଣ କଥା। ବ୍ୟାଟ୍ସମ୍ୟାନ୍ ଛକା ମାରିଲେ ବଲ୍ ବାଉଣ୍ଡ୍ରି ବାହାରେ କିମ୍ବା ଗ୍ୟାଲୋରୀରେ ବସୁଥିବା ପ୍ରଶଂସକଙ୍କ ନିକଟକୁ ଯାଇଥାଏ। ବେଳେବେଳେ ପ୍ରଶଂସକମାନେ ବଲ ଧରିଥାନ୍ତି। କିନ୍ତୁ ଅଷ୍ଟ୍ରେଲିଆରେ ଚାଲିଥିବା ବିଗ ବ୍ୟାସ ଲିଗ ସମୟରେ ଏପରି ଏକ ଘଟଣା ଘଟିଥିଲା, ଯାହା କ୍ରିକେଟ ପଡ଼ିଆରେ କ୍ୱିଚିତ୍ ଦେଖାଯାଏ। ହୋବର୍ଟ ହରିକାନ୍ସ ପାଇଁ ଖେଳୁଥିବା ବାମହାତୀ ବ୍ୟାଟ୍ସମ୍ୟାନ ଡେଭିଡ ମଲାନ ଛକା ମାରୁଥିବା ବେଳର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ମଲାନ ଛକା ମାରିଥିବା ବଲ୍ ପ୍ରଶଂସକଙ୍କ ବିୟର ଗ୍ଲାସରେ ପଡିଯାଇଥିଲା। ପରେ ପ୍ରଶଂସକ ଏହା କଲେ, ସେ ସମସ୍ତଙ୍କୁ ହସାଇଲେ। ମେଲବୋର୍ଣ୍ଣ ଷ୍ଟାର୍ସ ବିପକ୍ଷ ମ୍ୟାଚରେ ଡେଭିଡ ମାଲାନ ଲାନ୍ସ ମୋରିସଙ୍କ ବଲ୍ରୁ ଛକା ମାରିଥିଲେ। ଷ୍ଟାଡିୟମରେ ବସିଥିବା ପ୍ରଶଂସକଙ୍କ ବିୟର ଗ୍ଲାସରେ ବଲ ସିଧାସଳଖ ପଡିଥିଲା। ଫିଲ୍ଡର ବଲ ମାଗିଥିଲେ ମଧ୍ୟ ପ୍ରଶଂସକ ଏହାକୁ ଫେରସ୍ତ କରି ନ ଥିଲେ। ବରଂ ସେ ବିୟର ପିଇବା ଆରମ୍ଭ କଲେ ଏବଂ ବଲଟି ସେ ଗ୍ଲାସରେ ଥିଲା। ସୋସିଆଲ ମିଡିଆରେ କ୍ରିକେଟ ଅଷ୍ଟ୍ରେଲିଆ ଏହି ଭିଡିଓ ଶେୟାର କରିଛି। ସୂଚନାଯୋଗ୍ୟ, ମେଲବୋନର୍ର୍ ଷ୍ଟାର୍ସ ବିପକ୍ଷରେ ୫୬ଟି ବଲରେ ଡେଭିଡ ମଲାନ ୭୫ ରନ ସ୍କୋର କରିଥିଲେ। ବାମହାତୀ ବ୍ୟାଟ୍ସମ୍ୟାନ ତାଙ୍କ ଇନିଂସରେ ୭ ଚୌକା ଓ ୩ ଛକା ମାରିଥିଲେ।