ବମ୍ବେ: ଆଉ ଫେରିବେନି ଦିଶା ବକାନି। ଦୀର୍ଘଦିନ ଧରି ସେ ନିଶ୍ଚିତ ଫେରିବେ ବୋଲି କୁହାଯାଉଥିଲେ ହେଁ ଏବେ ସେସବୁରେ ପୂର୍ଣ୍ଣଚ୍ଛେଦ ପଡ଼ିଛି। ଫଳରେ ‘ତାରକ ମେହେତା କା ଉଲଟା ଚଷମା’ ଧାରାବାହିକରେ ଶୂନ୍ୟସ୍ଥାନ ସୃଷ୍ଟି ହେବ। ଏଣୁ ତାଙ୍କ ସ୍ଥାନରେ ନୂଆ ଅଭିନେତ୍ରୀଙ୍କୁ ସୁଯୋଗ ଦେବା ନେଇ ଆଲୋଚନା ହେଉଛି। ଯଦି ସବୁକିଛି ଠିକ୍ ରୁହେ ତେବେ ଦର୍ଶକ ଖୁବ୍ଶୀଘ୍ର ନୂଆ ଦୟାବେନଙ୍କୁ ଦେଖିବାକୁ ପାଇବେ। ପ୍ରଯୋଜକ ଅସିତ କୁମାର ମୋଦି ଏହା ସ୍ପଷ୍ଟ କରିଛନ୍ତି।
କହିରଖୁଛୁ, ଟେଲି ପରଦାର ଲୋକପ୍ରିୟ ଧାରାବାହିକ ମଧ୍ୟରୁ ‘ତାରକ ମେହେତା କା ଉଲଟା ଚଷମା’ ଅନ୍ୟତମ। ଏହା ଦୀର୍ଘ ୧୩ ବର୍ଷ ଧରି ପ୍ରସାରିତ ହୋଇ ଆସୁଛି। ଶୋରେ ଦିଲୀପ ଜୋଶୀ, ମୁନମୁନ ଦତ୍ତା, ମନ୍ଦାର, ସୋନାଲିକା ଜୋଶୀ ପ୍ରମୁଖଙ୍କ ସମେତ ଅନେକ କଳାକାର ଅଛନ୍ତି।
