ମୁମ୍ବାଇ: ବଲିଉଡ ଷ୍ଟାର କପୁଲ ଆଲିଆ ଭଟ୍ଟ ଓ ରଣବୀର କପୁରଙ୍କ ବିବାହକୁ ମାତ୍ର ୯ ଦିନ ହୋଇଥିବା ବେଳେ ଉଭୟ କିନ୍ତୁ ବିବାହ ପରେ ଏବେ କର୍ମକ୍ଷେତ୍ରକୁ ବାହାରି ପଡିଛନ୍ତି । ଗୋଟିଏ ପଟେ ଆଲିଆ ମୁମ୍ବାଇରୁ ରାଜସ୍ଥାନ ଯାଇଥିବା ବେଳେ ଅନ୍ୟପଟେ ରଣବୀର ମୁମ୍ବାଇରୁ ମନାଲି ପହଞ୍ଚିଛନ୍ତି । ରଣବୀର ସେଠାରେ ତାଙ୍କ ଫିଲ୍ମ ‘ଆନିମଲ’ର ଶୁଟିଂ ଆରମ୍ଭ କରିଛନ୍ତି । ରଣବୀର ପହଞ୍ଚିବା ପରେ ସେଟରେ ତାଙ୍କୁ ସ୍ୱାଗତ କରାଯାଇଥିଲା । ଫିଲ୍ମର ଶୁଟିଂ ଆରମ୍ଭରୁ କରୋନା ମହାମାରୀ ଯୋଗୁ ବିଳମ୍ବ ହୋଇଥିବା ବେଳେ ଏପଟେ ରଣବୀରଙ୍କ ବିବାହ ଯୋଗୁ ବି ଏହା କିଛି ବିଳମ୍ବ ହୋଇଛି । ଫିଲ୍ମର ଘୋଷଣା ୧ ଜାନୁୟାରୀ, ୨୦୨୧ରେ ହୋଇଥିଲା, ହେଲେ କରୋନା ମହାମାରୀ ଓ ରଣବୀର ସମୟ ନ ଦେଇପାରିବାରୁ ଏହାର ଶୁଟିଂ ହୋଇପାରୁ ନ ଥିଲା । ଏବେ ଏହି ଫିଲ୍ମ ୧୧ ଅଗଷ୍ଟ ୨୦୨୩ରେ ରିଲିଜ୍ ହେବ । ଏହାକୁ କବିର ସିଂଙ୍କ ନିର୍ଦ୍ଦେଶକ ସନ୍ଦିପ ରେଡ୍ଡି ୱାଙ୍ଗା ନିର୍ଦ୍ଦେଶନା ଦେବେ । ପୂର୍ବରୁ ଶୁଣିବାକୁ ମିଳିଥିଲା କି ଏହି ଫିଲ୍ମରେ ରଣଦୀପଙ୍କ ସହ ପରିଣିତି ଚୋପ୍ରା ନଜର ଆସିବେ । ହେଲେ ପରିଣିତି ଏଥିରୁ ନିଜେ ନିଜେ ବାହାରି ଯାଇଛନ୍ତି । ଏବେ ସେ ଇମ୍ତିୟାଜ ଅଲିଙ୍କ ଫିଲ୍ମରେ କାମ କରୁଛନ୍ତି । ଏଥିରେ ସେ ଦିଲଜିତ ଦୋସାଂଝଙ୍କ ସହ କାମ କରୁଛନ୍ତି । ଏହା ପଞ୍ଜାବର ଲିଜେଣ୍ଡ ସିଙ୍ଗର ଅମର ସିଂ ଚମକିଲାଙ୍କ ବାୟୋପିକ ହେବ ।
ଅନ୍ୟପଟେ ପରିଣିତି ‘ଆନିମଲ’ରୁ ବାହାରିବା ପରେ ଫିଲ୍ମରେ ସାଉଥ୍ ଷ୍ଟାର ରଶ୍ମିକା ମଂନ୍ଦାନାଙ୍କର ଏଣ୍ଟ୍ରି ହୋଇଛି । ଏବେ ଏହି ଫିଲ୍ମରେ ରଶ୍ମିକା-ରଣବୀର ନଜର ଆସିବେ । ଏହା ବ୍ୟତୀତ ଫିଲ୍ମର ଲିଡ ରୋଲରେ ଅଛନ୍ତି ଅନିଲ କପୁର ଓ ବବି ଦେୱଲ । ଏଥିରେ ଅନିଲ ରଣବୀରଙ୍କ ବାପା ଭୂମିକାରେ ଆସିବେ ଏହାସହ ଏଥିରେ ବାପା- ପୁଅଙ୍କର ସମ୍ପର୍କ ଭଲ ନ ଥିବା ଦେଖାଯାଇଥିବା ଟିଜରରୁ ଅନୁମାନ କରାଯାଏ ।