ଦୁବାଇ, ୨୧।୯: ଆଇପିଏଲ୍-୧୩ତମ ସିଜନର ୩ୟ ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ସନ୍ରାଇଜର୍ସ ହାଇଦ୍ରାବାଦ ସାମ୍ନାସାମ୍ନି ହୋଇଛନ୍ତି। ସ୍ଥାନୀୟ ଦୁବାଇ ଇଣ୍ଟରନ୍ୟାଶନାଲ କ୍ରିକେଟ୍ ଷ୍ଟାଡିୟମରେ ଅନୁଷ୍ଠିତ ଏହି ମ୍ୟାଚ୍ରେ ଟସ୍ ହାରି ବ୍ୟାଟିଂ ଆମନ୍ତ୍ରଣ ପାଇଥିବା ବିରାଟ କୋହଲିଙ୍କ ବାଙ୍ଗାଲୋର ଦଳ ନିର୍ଦ୍ଧାରିତ ୨୦ ଓଭରରେ ୫ ଉଇକେଟ୍ ହରାଇ ୧୬୩ ରନ୍ ସଂଗ୍ରହ କରିଛି। ବାଙ୍ଗାଲୋର ପକ୍ଷରୁ ଓପନର୍ ଦେବୀଦତ୍ତ ପାଡିକ୍କଲ (୫୬ ରନ) ଓ ଏବି ଡି ଭିଲର୍ସ (୫୧) ଅର୍ଦ୍ଧଶତକୀୟ ଇନିଂସ ଖେଳିଥିଲେ। ଡି ଭିଲର୍ସ ମାତ୍ର ୩୦ ବଲରୁ ୪ ଚୌକା ଓ ୨ ଛକା ସହାୟତାରେ ୫୧ ରନ କରିଥିଲେ। ଆରୋନ ଫିଞ୍ଚ୍ ୨୯ ରନ୍ କରିଥିବାବେଳେ ଅଧିନାୟକ କୋହଲି (୧୪) ଓ ଶିଭମ ଦୁବେ (୭) ନିରାଶ କରିଥିଲେ। ପ୍ରତିପକ୍ଷ ହାଇଦ୍ରାବାଦ ପକ୍ଷରୁ ଟି. ନଟରାଜନ, ବିଜୟ ଶଙ୍କର ଓ ଅଭିଷେକ ଶର୍ମା ଗୋଟିଏ ଲେଖାଏ ଉଇକେଟ୍ ଅକ୍ତିଆର କରିଥିଲେ।