ଦୁବାଇ, ୨୪।୯: ଆଇପିଏଲ୍-୧୩ତମ ସଂସ୍କରଣର ୬ଷ୍ଠ ମ୍ୟାଚ୍ରେ ଗୁରୁବାର କିଙ୍ଗ୍ସ ଇଲେଭେନ ପଞ୍ଜାବର ମୁକାବିଲା ବିରାଟ କୋହଲିଙ୍କ ନେତୃତ୍ୱାଧୀନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ସହ ହେବ। ସ୍ଥାନୀୟ ଦୁବାଇ ଇଣ୍ଟର ନ୍ୟାଶନାଲ କ୍ରିକେଟ୍ ଷ୍ଟାଡିୟମରେ ଖେଳାଯିବାକୁ ଥିବା ଏହି ମ୍ୟାଚ୍ରେ ଯଦି ବାଙ୍ଗାଲୋରର ବିସ୍ଫୋରକ ବ୍ୟାଟ୍ସମ୍ୟାନ ଏବି ଡି ଭିଲର୍ସ ଆଉ ୧୬ ରନ୍ ସଂଗ୍ରହ କରନ୍ତି ତେବେ ମହେନ୍ଦ୍ର ସିଂ ଧୋନୀଙ୍କୁ ପଛରେ ପକାଇବେ। ଆଇପିଏଲ୍ ଇତିହାସରେ ସର୍ବାଧିକ ରନ୍ ସଂଗ୍ରହକାରୀ ବ୍ୟାଟ୍ସମ୍ୟାନ ତାଲିକାରେ ଚେନ୍ନାଇ ସୁପର୍ କିଙ୍ଗ୍ସର ଅଧିନାୟକ ଧୋନୀ (୪,୪୬୧ ରନ) ବର୍ତ୍ତମାନ ୭ମ ତାଲିକାରେ ରହିଛନ୍ତି। ଏହି ତାଲିକାରେ ୮ମ ସ୍ଥାନରେ ଥିବା ଡି ଭିଲର୍ସ ଆଉ ୧୬ ରନ୍ ସଂଗ୍ରହ କରିପାରିଲେ ଧୋନୀଙ୍କୁ ପଛରେ ପକାଇ ୭ମ ସ୍ଥାନକୁ ଉଠିବାର ସୁଯୋଗ ରହିଛି। ଡି ଭିଲର୍ସ ଆଇପିଏଲ୍ରେ ୧୫୫ ମ୍ୟାଚ୍ ଖେଳି ୪,୪୪୬ ରନ ସଂଗ୍ରହ କରିଛନ୍ତି। କେବଳ ପଞ୍ଜାବ ବିପକ୍ଷରେ ଡି ଭିଲର୍ସ ଆଜି ପର୍ଯ୍ୟନ୍ତ ୬୮୦ ରନ୍ ସଂଗ୍ରହ କରିଛନ୍ତି।