ମୁରାଦାବାଦ୍,୧୩।୧: ଉତ୍ତର ପ୍ରଦେଶର ମୁରାଦାବାଦ୍ରେ ଏକ ଅଭାବନୀୟ ଘଟଣା ଘଟିଛି। ଜଣେ ଯୁବକଙ୍କ ସନ୍ଦିଗ୍ଧ ଅବସ୍ଥାରେ ମୃତ୍ୟୁ ଘଟିଛି। ମୃତକଙ୍କ ସ୍ତ୍ରୀ ଅଭିଯୋଗ ଆଣିଛନ୍ତି ଯେ, ସମ୍ପତ୍ତି ଲୋଭରେ ସ୍ବାମୀଙ୍କୁ ତାଙ୍କ ଭାଇ ମାରିଦେଇଛନ୍ତି। ଯୁବକଙ୍କୁ ଅନ୍ତିମ ସଂସାର କରାଯାଉଥିବାବେଳେ ସ୍ତ୍ରୀ ଏହାକୁ ଅଟକାଇ ପୋଲିସକୁ ଫୋନ୍ କରିଥିଲେ। ପୋଲିସ ଘଟରାସ୍ଥଳରେ ପହଞ୍ଚି ଚିତା ଲାଗିଥିବା ଅବସ୍ଥାରେ ମୃତଦେହକୁ ଜବତ କରିଛି। ସୂଚନାଯୋଗ୍ୟ, ବିଲାରି ନିବାସୀ ମୁନେଶଙ୍କ ହଠାତ୍ ମୃତ୍ୟୁ ଘଟିଥିଲା। ମୃତ୍ୟୁ ପରେ ତାଙ୍କ ପରିବାର ଲୋକେ ତାଙ୍କ ତୁରନ୍ତ ଅନ୍ତିମ ସଂସ୍କାର କରାଇବା ବ୍ୟବସ୍ଥା କରାଇଥିଲେ। ଏହାକୁ ତାଙ୍କ ସ୍ତ୍ରୀ ପୁନମ ବିରୋଧ କରିଥିଲେ। କାରଣ ପୂର୍ବରୁ ସମ୍ପତ୍ତି ପାଇଁ ମୁନେଶଙ୍କ ଦୁଇ ଭାଇ ସୌରଭ ଏବଂ ସୁଶୀଲ ତାଙ୍କ ଉପରେ ଆକ୍ରମଣ କରିଥିଲେ। ସେ ଦୁଇ ଜଣ ହଁି ମୋ ସ୍ବାମୀଙ୍କୁ ହତ୍ୟା କରିଥିବା ପୁନମ ଅଭିଯୋଗ କରିଛନ୍ତି। ପୋଲିସ ମାମଲାକୁ ଗମ୍ଭୀରତାର ସହ ନେଇ ତଦନ୍ତ ଆରମ୍ଭ କରିଛି।