ଭଦ୍ରକ ଅଫିସ,୨୯।୩: ଭଦ୍ରକ ଜିଲା ବଉଦପୁର ରେଳ ଷ୍ଟେଶନ ନିକଟ ଟ୍ରେନଲାଇନରୁ ଜଣେ ଯୁବକଙ୍କ ମୃତଦେହ ଜିଆରପି ପୋଲିସ ଉଦ୍ଧାର କରିଛି। ମୃତକ ପଶ୍ଚିମବଙ୍ଗ ଆଲିପୁର ଜିଲା ଚି଼ଙ୍ଗାମିଛି ଅଞ୍ଚଳର ବାବୁଲୁ ଆଲାମ ବୋଲି ଜଣାପଡିଛି l ମଙ୍ଗଳବାର ଉକ୍ତ ସ୍ଥାନରେ ଯୁବକ ମୃତଦେହ ପଡ଼ିଥିବା ଖବରପାଇ ଜିଆରପି ପୋଲିସ ପହଞ୍ଚି ମୃତଦେହ ଜବତ କରି ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛି। ବୁଧବାର ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ। ସୂଚନାଯୋଗ୍ୟ, ବାବୁଲୁ ୧୫ଦିନ ତଳେ କାମ କରିବା ପାଇଁ କେରଳ ଯାଇଥିଲା। କେରଳରୁ ଘରକୁ ଫେରୁଥିବା ବେଳେ ବଉଦପୁର ଷ୍ଟେଶନରେ କିପରି ଟ୍ରେନରେ କଟିଲା ପରିବାର ଲୋକ ଜାଣି ନ ଥିବା କହିଛନ୍ତି।
