କୋକସରା,୨୧।୮(ଡି.ଏନ୍.ଏ): କଳାହାଣ୍ଡି ଜିଲା କୋକସରା ବ୍ଲକ ମୂଷାପାଲି ପଞ୍ଚାୟତ ମୂଷାପାଲି ଗ୍ରାମ ପୋଖରୀରୁ ରବିବାର ଜଣେ ଯୁବତୀଙ୍କ ମୃତଦେହ ପୋଲିସ ଜବତ କରିଛି। ପାଣିରେ ବୁଡ଼ି ତାଙ୍କର ମୃତ୍ୟୁ ଘଟିଥିବା ସନ୍ଦେହ କରାଯାଉଛି। ମୃତା ହେଲେ ବିଷ୍ଣୁପ୍ରିୟା ପଣ୍ଡା (୪୫)।
ଖବର ପାଇ କୋକସରା ପୋଲିସ ଘଟଣାସ୍ଥଳରେ ପହଞ୍ଚି ଅଗ୍ନିଶମ କର୍ମଚାରୀଙ୍କ ସହାୟତାରେ ପୋଖରୀରୁ ଯୁବତୀଙ୍କ ମୃତଦେହ ଉଦ୍ଧାର କରିଥିଲା। ପରେ ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନା ପଠାଇଥିଲା।
ପରିବାର ଲୋକଙ୍କ କହିବା ମୁତାବକ, ବିଷ୍ଣୁପ୍ରିୟା ମାନସିକ ରୋଗରେ ଆକ୍ରାନ୍ତ ଥିଲେ। ରବିବାର ସେ ଘରୁ ବାହାରି ଆଉ ଫେରି ନ ଥିଲେ। ବହୁ ଖୋଜାଖୋଜି ପରେ ଘର ପଛପଟ ଚାଷଜମି ନିକଟ ଏକ ପୋଖରୀରୁ ତାଙ୍କ ମୃତଦେହ ଠାବ ହୋଇଥିବା କହିଛନ୍ତି। ଏନେଇ କୋକସରା ପୋଲିସ ଏକ ଅପମୃତ୍ୟୁ ମାମଲା(ନଂ.୧୪/୨୨) ରୁଜୁକରି ତଦନ୍ତ ଜାରି ରହିଥିବା ଏଏସ୍ଆଇ ଭରତ କୁମାର ଅହୀର କହିଛନ୍ତି।