ବିନିକା,୨୦ା୬(ଡି.ଏନ୍.ଏ.): ସୁବର୍ଣ୍ଣପୁର ଜିଲା ବିନିକା ଥାନା ବାଉଁଶୁଣି ଡୁଗୁମାଳି ଜଙ୍ଗଲରୁ ସୋମବାର ଭୋର୍ରୁ ୨୨ ବର୍ଷୀୟ ଜଣେ ଯୁବକଙ୍କ ଗଳିତ ମୃତଦେହ ଜବତ କରିଛି ବିନିକା ପୋଲିସ।
ସୂଚନାନୁଯାୟୀ, ମୃତ ଯୁବକ ଜଣକ ହେଉଛନ୍ତି ବାଉଁଶୁଣି ଗ୍ରାମର ନେତ୍ର ଭୋଇଙ୍କ ପୁଅ ସୁରେଶ ଭୋଇ(୨୨)। ମୃତ ସୁରେଶ ମାନସିକ ରୋଗରେ ଆକ୍ରାନ୍ତ ଥିଲେ। ମୃତ ଯୁବକ ବୁର୍ଲାରେ ଚିକିତ୍ସିତ ହେଉଥିଲେ। ଗତ ତା ୩.୨.୨୦୨୨ରୁ ମୃତ ସୁରେଶ ନିଖୋଜ ଥିବା ବିନିକା ଥାନାରେ ନିଖୋଜ ମାମଲା ରୁଜୁ ହୋଇଥିଲା। ରବିବାର ଖଏରାଡେରାର ମହିଳାମାନେ ଜାଳେଣି କାଠ ସଂଗ୍ରହ ନେଇ ଡୁଗୁମାଳି ଜଙ୍ଗଲକୁ ଯାଇଥିବା ବେଳେ ଜଙ୍ଗଲରେ ଏକ ପଚାସଢ଼ା ମୃତଦେହ ପଡ଼ିଥିବା ଦେଖିବାକୁ ପାଇଥିଲେ। ସୋମବାର ସକାଳୁ ପୋଲିସ ମୃତ ଯୁବକ ଜଣକ ସୁରେଶ ବୋଲି ତାଙ୍କ ବାପାଙ୍କ ସୂତ୍ରରୁ ଜାଣି ଜଙ୍ଗଲରୁ ମୃତଦେହ ଜବତ କରିଛି।
