ଭୁବନେଶ୍ୱର,୨୭ା୮: ବିପିଏଲ୍ ଏବଂ କେଲଭିନେଟର କମ୍ପାନୀ ପକ୍ଷରୁ ବିକ୍ରିରେ ସଫଳତା ହାସଲ କରିଥିବା ଡିଲରଙ୍କୁ ପୁରସ୍କୃତ କରାଯାଇଛି। ଏ ନେଇ କମ୍ପାନୀ ପକ୍ଷରୁ ସ୍ଥାନୀୟ ଏକ ହୋଟେଲରେ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏଥିରେ କମ୍ପାନୀର ବିଏମ୍ ଦୀପକ ସାମଲ ଏବଂ ବିତରକ ରାମକୃଷ୍ଣ ଏଜେନ୍ସିର ସ୍ବତ୍ୱାଧିକାରୀ ଯୋଗେନ୍ଦ୍ର ହଂସ ପ୍ରମୁଖ ଉପସ୍ଥିତ ଥିଲେ। ଏହି ପରିପ୍ରେକ୍ଷୀରେ ଭଲ ପ୍ରଦର୍ଶନ କରିଥିବା ଶୀର୍ଷ ୧୦ ଡିଲରଙ୍କୁ ତନିସ୍କର ସୁନା ଅଳଙ୍କାର ପୁରସ୍କାର ଭାବେ ପ୍ରଦାନ କରଯାଇଥିଲା। ସେହିଭଳି ବିକ୍ରିରେ ଯୋଗଦାନ ରଖିଥିବା ଟପ୍ ଡିଲରଙ୍କୁ ସମ୍ବର୍ଦ୍ଧିତ କରାଯାଇଛି ବୋଲି ସାମଲ କହିଛନ୍ତି। ଫଳରେ ଆଗକୁ ଏଭଳି କାମ କରିବାକୁ ଏହା ସେମାନଙ୍କୁ ଉତ୍ସାହିତ କରିବ। ସେହିପରି ରାମକୃଷ୍ଣ ଏଜେନ୍ସି ପକ୍ଷରୁ ହଂସ ଡିଲରଙ୍କୁ ସମ୍ବର୍ଦ୍ଧିତ କରିବା ସହ ସେମାନଙ୍କ ସଫଳତା ଲାଗି ଶୁଭେଚ୍ଛା ଜଣାଇଥିଲେ।