ଟିଟିଲାଗଡ଼,୧୯ା୧୨(ଡି.ଏନ୍.ଏ.): ରବିବାର ବଲାଙ୍ଗୀର ଜିଲା ଟିଟିଲାଗଡ଼ ବ୍ଲକ ଅନ୍ତର୍ଗତ ଲୁଥୁରବନ୍ଧ ଗ୍ରାମରେ ନିଲାମ ବାଗ (୧୫) ନାମକ ଜଣେ ନାବାଳକଙ୍କ ମୃତ୍ୟୁ ଗୁଣିଗାରେଡ଼ିରେ ହୋଇଥିବା ନେଇ ପରିବାର ଓ ଗ୍ରାମବାସୀ ଅଭିଯୋଗ କରିଛନ୍ତି। ଗୁଣିଆ ଟଙ୍କ ବାଗଙ୍କ ଘରକୁ ଗ୍ରାମବାସୀ ଆକ୍ରମଣ କରିଛନ୍ତି। ଖବର ପାଇ ଟିଟିଲାଗଡ଼ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାଶୁଝା କରୁଥିବା ବେଳେ ପୋଲିସ ଗାଡ଼ିକୁ ଉତ୍ତେଜିତ ଗ୍ରାମବାସୀ ଅଟକ ରଖି ଗୁଣିଆଙ୍କ ଗିରଫ ଦାବି କରିଛନ୍ତି। ପୋଲିସ କହିବା ଅନୁସାରେ ନାବାଳକଙ୍କର କୌଣସି ରୋଗରେ ପୀଡିତ ହୋଇ ମୃତ୍ୟୁ ଘଟିଛି। ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଏସ୍ଡିପି ଓ ସୁରେନ୍ଦ୍ର ନାଥ ଶତପଥୀ ପ୍ରତିଶ୍ରୁତି ଦେବା ପରେ ପୋଲିସ ଗାଡ଼ିକୁ ଗ୍ରାମବାସୀ ଛାଡ଼ି ଦେଇଛନ୍ତି।